Artikulu: Dioxinen kontrola lehengai eta pentsuetan 12/12/17Zearalenonaren presentziak animalien osasunean eragiten dituen arriskuak 17/08/04Pentsuetarako lehengaien katalogoaren hirugarren eguneraketa 17/06/29Akuikulturan intsektuak erabiltzea baimendu da 17/05/29Ikuskatu dute Espainian pentsuen inportatuen gainean egiten den kontrol ofiziala 17/03/30Pentsuetarako materialak, etorkizuneko hondakinei buruzko legeditik kanpo 17/03/30Pentsuen arrisku-egoera Europan 17/02/08Azido eruzikoak elikagai eta pentsuetan duen arriskua ebaluatu dute 16/11/17Pentsuek zenbat kobre eduki behar duten aztertu dute 16/09/06Biodieselaren fabrikaziotik eratorritako lehengai seguruak lortzeko gida 16/01/29Etoxikina erabiltzea animalien elikagaietan 15/11/26FVOk aztertu egin du animalia-proteinak nola erabiltzen diren akuikulturan 15/06/26FVOk ikuskatu egin du pentsuetarako gehigarri eta aurre-nahasteen ekoizpena Txinan 15/04/15Solanum glaucophyllum hostoak erabiltzea animaliak elikatzeko 15/01/22Pentsu-fabriketarako APPCC gidaliburua eguneratzea 22/12/14Osasun publikoa eta animalien osasuna hobetzeko proposamenak 14/09/16Pentsuen alerten sareko datuei buruzko 2013ko balorazioa 14/04/30Jardunbide Egokien Gida pentsuen industriarako 14/03/25Nekazaritzako elikagaien (elikagaiak eta pentsuak) krisiak kudeatzeko kodea (GTP) 14/03/25Animalien elikaduran Elikagaien Segurtasuna kontrolatzeko sistemakPentsuak aztertzeko metodo berria 13/09/20Pentsuen kontrol ofizialak hobetzeko puntuak 13/04/04Nola prebenitu aflatoxinak artoan 13/03/13Pentsuetarako lehengaien katalogo berria 13/01/31Elikagaiei pentsuen balioa ematea 12/12/27Feedipedia - pentsuetarako lehengaiei buruzko wikia 12/11/07Animaliak elikatzeko lehengaien kontrol-programen inguruko 1. topaketa 12/10/10Pentsu fabriketako trazabilitatea eta kontingentzia plana 12/03/28Pentsu-enpresen baimena eta erregistroa EAEn 12/03/23Zientzia-iritzia: pentsuetan eta elikagaietan fomopsinak egoteak dakartzan arriskuak 2012/02/24Berezi@ Animalien elikadurarako gehigarrien egoera 2011/11/04
 
 
elika Hemen zaude: Produkzio-sektoreak /  Animalien elikadura  /  Beste batzuk elika

Beste batzuk

IKUSKATU DUTE ESPAINIAN PENTSUEN INPORTATUEN GAINEAN EGITEN DEN KONTROL OFIZIALA 17/03/30

Egile: DG SANTE

Europako Batzordeko Albaitaritza eta Elikadura Bulegoko (FVO) ikuskatzaileen talde bat Espainian izan zen 2016ko urriaren 3tik 7ra bitartean, aztertzeko, alde batetik, zenbateraino ezartzen diren animalia-jatorrikoak ez diren pentsuak inportatzeko behin-behineko neurriak, Batzordearen 98/51/CE Zuzentarauaren 6. artikuluan jasotakoak, eta, bestetik, ikusteko pentsu-enpresen operadoreek (OEAA) ezarritako kontrol ofizialen eta neurrien sistemak bermatzen ote duen Europako Batasunetik kanpoko herrialdeetatik inportaturiko pentsuak EBn kokaturiko ordezkariak dituzten establezimenduetatik baino ez datozela eta EBn ezarritako baldintzak betetzen dituztela.

 

Estatuko sisteman nahitaez erregistratu behar dira pentsuen inportatzaile guztiak, baita beste estatu kide batean ordezkariren bat erregistratua duten EBtik kanpoko establezimenduetako pentsuen inportatzaileak ere. FVOren arabera, sistema aurreikusitako moduan ezarri da, eta, oro har, ondo kudeatuta dago.

 

FVOk adierazi duenez, baina, EBtik kanpoko elikagai-establezimendu baten ordezkari bat erregistratzean, agintari eskudunek ez dute bestelako bermerik eskatzen establezimendu horrek EBko eskakizunak betetzen dituela ziurtatzeko. 

 

Bestalde, FVOk ohartarazi du pentsu-enpresen operadore guztiak biltzen dituen datu-base nazionala ez dela erabilgarria beste estatu kide batzuentzat; izan ere, beste estatu batzuetako pentsu-operadoreek edo agintari eskudunek ezin dute datu-basea kontsultatu ikusteko ea EBtik kanpoko herrialde bateko OEAA batek baduen ordezkaririk Espainian erregistratua. Gainera, erregistroa Espainiako agintari eskudunek baino ezin dute erabili.

 

Era berean, FVOren txostenean azaltzen denez, ikuskatutako bi autonomia-erkidegoetako (Madril eta Katalunia) OEAA eta agintari eskudun guztiek oro har prozedura egokiak ezarri dituzte pentsu inportatuak kaltegabeak direla bermatzeko.

 

Bi autonomia-erkidegoek, ordea, ikuspegi desberdinak zituzten kontrolak egiteko hautatzen diren establezimenduekin lotutako arriskuaren inguruan. Katalunian, esaterako, hango ikuspegia dela eta, gerta liteke jardunbide oneko historia duten OEAA batzuk (pentsuen inportatzaileak barne) ez kontrolatzea 2016-2020 aldian. 

 

Bestalde, FVOren iritziz, autokontrolen eraginkortasuna egiaztatzeko kontrol-sistema ofiziala behar bezala dokumentatuta eta ezarrita zegoen.

 

DGSANTEren txostena - Pentsuen inportazioa Espainian

 

PENTSUETARAKO MATERIALAK, ETORKIZUNEKO HONDAKINEI BURUZKO LEGEDITIK KANPO 17/03/30

Egile: FEFAC

2017ko martxoaren 14an, Europako Parlamentuak Hondakinen Esparru Zuzentarauari eginiko zuzenketak bozkatu zituen; zuzentarau hori Ekonomia Zirkularraren Paketearen barnean dago. Pentsuak, zerealak, elikadurako azpiproduktuak eta abar fabrikatzearen eta ekoiztearen arloko elkarte nazionalak biltzen dituzten Europako federazio nagusiek (COCERAL, EFFPA, FEFAC eta PFP) adierazi dute Europako Parlamentuak pentsu gisa merkaturatzen diren lehengaiak Europako Batzordeak proposatutako Hondakinen Esparru Zuzentarauaren aplikazio-eremutik kanpo utzi izanaren aldekoak direla. Horrenbestez, lehengai horiek pentsuen arloko Batasuneko legediaren mende geldituko dira, baita horiei egin beharreko kontrol ofizialen mende ere.

 

COCERAL, EFFPA, FEFAC eta PFP elkarteek adierazi dute hornikuntza-kateko jardunbide egokiek –batez ere segurtasunaren kudeaketarekin eta produktuen trazabilitatearekin lotutakoek– bermatu egiten dutela behar bezalako kontrola dagoela elikagaiak ekoizten dituzten enpresetan eta pentsuak egiteko lehengaietarako bioenergia-enpresetan sortzen diren azpiproduktuen gainean.

 

Era horretan, Europako Parlamentuak ikuspegi honi eusten dio: elikagaien antzinako ekoizleak guztiz integratuta daude elikakatean, eta ez dute «elikagaien hondakinen birziklatzaile» gisa funtzionatzen. Oraindik ere oso garrantzitsua da sektore horrek segurtasun juridikoa izatea, ziur egon daitezen elikadura-produktu zaharrak pentsu gisa merkaturatzen direnean ingurumenaren arloko agintariek ezin izango dutela egoera juridiko hori bertan behera utzi, Hondakinen Esparru Zuzentarautik ateratako irizpideetan oinarrituta.

 

Osoko bilkurako bozketak Europako Parlamentuaren negoziazio-jarrera markatzen du. Ministroen Kontseiluaren jarrera Estoniak EBko Kontseiluaren Presidentetza duenean jakitea espero da.

 

EUROPAKO PARLAMENTUKO ZUZENDARITZAREN ETA KONTSEILUAREN proposamena, hondakinei buruzko 2008/98/CE zuzentaraua aldatzen duena

BEREZI@ PNCOCA BERRIA 16/05/23

 Berezi@ PNCOCA berria 16/05/23 Egile: ELIKA

Elikakatearen Kontrol Ofizialeko Plan Nazionala (PNCOCA) Espainian elikakate osoan zeharreko kontrol ofizialeko sistemak deskribatzen dituen dokumentua da, lehen mailako ekoizpenetik hasi eta azken kontsumitzailearentzako salmenta-puntuetara iritsi arte.

2015. urtearen amaieran onetsi zen hirugarren Kontrol Ofizialeko Plana, "Elikakatearen Kontrol Ofizialeko Plan Nazionala 2016-2020" izenekoa.

12 orrialdetatik 1.a   Hurrengoa >>
ELIKA . Granja Modelo, z/g . 01192 . Arkaute (Araba) . Telefonoa: 945 122 170 . Faxa: 945 122 171 . berri@elika.eus
RSS iturria
WEB orri honek ez du besteren publizitaterik eta ez du jasotzen publizitatetik eratorritako finantzaziorik.
Diseño web Vitoria

Gure eta hirugarrenen cookieak erabiltzen ditugu, erabiltzaileen nabigazioa aztertzeko.

Bada, nabigatzen jarraitzen baduzu, cookieen erabilera onartzen duzula ulertuko dugu. Konfigurazioa aldatzeko edo informazio gehiago lortzeko jo hona.