elika Hemen zaude: Produkzio-sektoreakAbeltzaintza /  Abere Ongizatea elika

Abere Ongizatea

EUROPAR BATASUNEAN GARRAIATU EZIN DIREN ANIMALIAK GARRAIATZEA 16/10/17

Egile: CE

Europako Araudiaren arabera, debekatuta dago garraiatu ezin diren animaliak garraiatzea, baina, hala ere, egunero sartzen dira Europar Batasuneko hiltegietan garraiatu behar ez ziren animalia zaurituak.

 

Animalien zaintzaileak eta garraiolariak dira horren erantzule, lehenik eta behin, eta agintari eskudunek legea betetzen dela bermatu behar dute. Europako Batzordeak gai honi buruzko txosten bat argitaratu du.

 

Txostenak estatu kideetan arlo honetan lortutako datuak eta gertaerak aztertzen ditu, eta erakusten du zein sistema nazional dauden ziurtatzeko etxaldeetatik hiltegietara garraiatu daitezkeen animaliak baino ez direla garraiatzen. Txostenaren arabera, horrelakoak ez gertatzeko, garaiz identifikatu behar dira mugitu ezin diren animaliak, eta alternatiba eraginkorrak ezarri behar dira.

 

Txostenak, halaber, egokiak diren zenbait jarduera ematen ditu eta tresna batzuk deskribatzen ditu kasu horiek etxaldean bertan identifikatzeko. Era berean, adierazten da lotuta daudela, batetik, etxaldean bertan hiltzeko sistemak izatea eta horiek erraz lortzea, eta, bestetik, garraiatu ezin diren animalia gutxiago garraiatu. Bestalde, txostenean esaten da agintari nazionalek mekanismoak dituztela hiltegietan garraiatu behar ez ziren animaliak zein diren jakiteko.

 

Azkenik, azpimarratzen da administrazioek eskumenetan dituzten “mugek” eta sailen arteko komunikazio faltak eragiten dutela askotan araudia behar bezala ez aplikatzea.

EBren txostena- Animalien ongizatea. Garraiatu ezin diren animalien garraioa

EUTANASIA ETA ZORABIALDIA ANIMALIETAN 15/09/30

Egile: ELIKA

Galiziako Xuntak gida bat egin du animalien eutanasiari eta zorabialdiari buruz, ahal den neurrian, animalien sufrimendua saihestearren.


Eutanasiak "minik gabeko heriotza" esan nahi du, eta gida honetan uste da minik gabeko heriotzarako baldintzak honako hauek direla: berehala eragitea konorterik eza, eta, jarraian, heriotzara arte mantentzen den arnasa- edo bihotz-gelditzea.


Eutanasia egoera anitzetan aplikatzen da, baita arrazoi humanitarioak, osasun-arrazoiak eta hainbat justifikazio direla-eta giza kontsumorako edo ikerketarako animaliak hiltzean ere.


Gidak zenbait kapitulu ditu, eta, besteak beste, honako gai hauek jorratzen ditu:

 

  • Animaliaren heriotza eragiten duten mekanismoak.
  • Eutanasia-metodoa hautatzea erabakitzen duten faktoreak.
  • Animalien eutanasiari buruzko legeak.
  • Animaliek heriotza eragiteko agenteak.
  • Eutanasia-metodoak.

Azken kapitulu horri (eutanasia-mekanismoak) dagokionez, gidak azaltzen du bi metodo-mota handi daudela eutanasia eragiteko hainbat animalia espezieren artean:

 

  1. Metodo fisikoak (tiroa buruan, elektrokuzioa, lepoa haustea, kommozioa...): gizentzeko animaliekin erabiltzen dira maiz hiltegietan, baita gaixotasunak hedatzea saihesteko ere, animaliak premiaz hiltzen direnean; hortaz, dagozkien legeetan jasota daude.Honako metodo hauek dira: tiroak (bala edo jaurtigai zilindrikoa), elektrokuzioa, garondoa lokatzea, burua moztea edo kommozioa.
  2. Metodo kimikoak (barbiturikoak, karbono-dioxidoa...):
  • Konposatu injektagarriak (zainbarneko injekzioa, batik bat: barbiturikoak, kloral-hidratoa eta T-61).
  • Konposatu lurrunkorrak (anestesikoak, CO, CO2).

Bi kasuotan, animalia hiltzeko erabil daitekeen teknika faktore anitzen araberakoa izango da, besteak beste: animalia espeziea eta prozesuaren xedea. Adibidez, gizakientzako elikagaietarako animalia batek ezingo ditu hartu maskota batek edo zientzia-ikerketa konplexu bateko animalia batek hartzen dituzten agente kimikoa berberak.


Gida laguntza-tresna interesgarria da animalien heriotzan parte hartzen duten profesionalentzat, animalien eutanasia zuzen eta eraginkor aplikatzeko.

EUTANASIA ETA ZORABIALDIA ANIMALIETAN - Galiziako Xunta

PREZI: ONGIZATE BETEKIZUNAK ANIMALIAK GARRAIATZEAN 15/08/19

Egile: ELIKA

Europako legeriak jarduera ekonomiko baten ondorioz animaliak garraiatzean bete beharreko animalien ongizateko betekizunak ezartzen ditu.


Legeria horrek ezartzen ditu, esate baterako, ibilgailuek eta garraiolariek bete beharreko baldintzak, dentsitate-betebeharrak, bidaiaren iraupena, beharrezko dokumentazioa eta abar.


Betekizun horien guztien berri erraz jakin ahal izateko, ELIKAk, Eusko Jaurlaritzarekin, foru-aldundiekin eta Euskadiko sektoreko eragileekin lankidetzan, informazio hori guztia emango dizun material grafiko hau sortu du. Ibil ezazu gurekin!

 

 

13 orrialdetatik 1.a   Hurrengoa >>
ELIKA . Granja Modelo, z/g . 01192 . Arkaute (Araba) . Telefonoa: 945 122 170 . Faxa: 945 122 171 . berri@elika.eus
RSS iturria
WEB orri honek ez du besteren publizitaterik eta ez du jasotzen publizitatetik eratorritako finantzaziorik.
Diseño web Vitoria

Gure eta hirugarrenen cookieak erabiltzen ditugu, erabiltzaileen nabigazioa aztertzeko.

Bada, nabigatzen jarraitzen baduzu, cookieen erabilera onartzen duzula ulertuko dugu. Konfigurazioa aldatzeko edo informazio gehiago lortzeko jo hona.