elika Hemen zaude: Produkzio-sektoreakAbeltzaintza /  Abere Ongizatea elika

Abere Ongizatea

EUROPAKO HERRIETAN ABERE-ONGIZATE ETIKETATZEA 17/10/30

Egile: ELIKA

Alemaniak, Danimarkak eta Holandak bere haragiak identifikatzen dituzte abere-ongizate gradua erakusten duen elikadura-etiketatzearekin.


Europako herri guztiak daude ongizatearen gaineko erkidego-araudia betetzera behartuta. Baina herri batzuk harago doaz eta etiketatze espezifikoa garatutzen ari dira.


Holandak estrategia hau 2007an hasi zuen eta zentzu honetan garatuena da. Etiketatzeari  “Beter Leven”izena ematen dio , “Bizitza Hobea” esan nahi duena. Etiketan 1 eta 3 izar agertzen dira, abere-ongizate graduaren arabera. Sistema hau txerrietan, oilaskotan, oilo erruleengan, haragi- eta esne-behietan.

Danimarkan Ingurumeneko eta Elikadurako Ministerio daniarrak etiketatzea garatu du eta 2017 urte honetako maiatzean abiarazi du, oraingoz txerrikiaz erabiliko da soilik, baina geroago beste abere espezie batzuetara hedatuko da. Etiketan “BedreDyrevelfaerd” hitz daniarra agertzen da eta haren ondoan bat, bi edo hiru bihotz, baldintza espezifikoak betetzeko graduaren arabera koloratuta.

Alemanian, etiketatze-sistema koadroan sartzen da “Tierwohl 2018-2020” ekimenaren barruan, 2015ean hasi zuen eta helburua etiketatzea 2018tik aurrera sartzea da.    Lehen etapa batean txerrikirako garatuko litzateke, beste espezie batzuekin jarraitzelp asmoz. Ongizate-etiketak kontuan hartuko ditu beste batzuen artean, ukuiluak edo animalien garraioaren iraupena.

 

Abere-ongitzako europako araudia - MAPAMA

ANIMALIEN GARRAIOAN ONGIZATEA BERMATZEKO GIDAK 17/09/28

Egile: Elika

Europako Batzordeak animalien garraioan ongizatea bermatzeko gidak kaleratu ditu (oraingoz, ingelesez bakarrik), honako espezie hauentzat:

 

Europako Batzordearen Osasunerako eta Elikagai Segurtasunerako Zuzendaritza Nagusiak (DG SANTE) abiatu duen proiektu pilotu baten harira sortu eta argitaratu dira gidak, eta EBko 10 estatu kidek esku hartu dute prozesuan.


Europan eta beste herrialde batzuetan, egunero-egunero milaka animalia garraiatzen dira egoera desberdinetan. Ekoizpenerako animalien garraioa bateratzeko eta hobetzeko tresna praktiko bat izateko helburuarekin, Europako 16 organismok osaturiko partzuergo batek proiektu pilotu hau abiatu du, DG SANTEk finantzatuta, hala abeltzainentzat nola garraiolarientzat pentsatua.

 


LABURPEN-FITXAK (gaztelaniaz)


Gidekin batera, gomendio praktikoen 17 informazio-orri atera dituzte, animalien garraioarekin lotutako funtsezko alderdiak azaltzeko: zamalanak, elikadura eta tenperatura-baldintzak, besteak beste:

Informazio gehiago:

Proiektuaren web orrialdea - EB

EUROPA ABELETXEETAKO UNTXIEN ONGIZATEA NOLA ARAUTU AZTERTZEN ARI DA 17/02/27

Egile: ELIKA

 


Gaur egun, ez dago untxien ekoizpena (hazkuntza eta gizentzea) arautzen duen eta untxien ongizate-baldintzak bermatzen dituen legeria espezifikorik.


Abeletxeetako untxiei aplikatu beharreko baldintzak abere-ustiategietako animalien babesari buruzko Europako Kontseiluaren 58/1998 Zuzentarauan jasotakoak dira. Baldintza horiek orokorrak dira abere-espezie guztientzat. Beste espezie batzuek, ordea, araudi espezifikoa dute, hala nola oilo erruleek, gizentzeko oilaskoek, txerriek eta hazkuntzarako txahalek.


Hain zuzen ere, untxien ongizaterako baldintza espezifikoak garatze aldera, Europako Parlamentuak hau eskatu die Europako Kontseilu eta Batzordeari:

 

  • Hainbat neurri jasoko dituen ibilbide-orri bat egiteko, neurriok ordena kronologikoan jarrita; gutxienez, hau barne hartu beharko du:

 

  1. Jardunbide onak eta animalien ongizaterako arauak ezarriko dituzten gidalerroak.
  2. Untxien osasunari, ongizateari eta ostatu-baldintzei dagokienez EB osoaren ikuspegiak bateratzeko proposamenak egingo dituen Europako Batzordearen gomendio bat.

 

  • Estatu kideekin batera, ekoizpenak etiketatzeko sistema argiak ezartzeko, eta kontsumitzaileentzako elikagaien informazioari buruzko etiketatze-sistemak erabiltzeko.

 

Bestalde:

 

  • Estatu kideei proposatzen die gai honen inguruko xedapenak egiteko, Austrian, Belgikan, Alemanian eta Erresuma Batuan indarrean dauden xedapenekin bat etorriz.
  • Adierazten du untxien hazkuntzari buruzko ikerketa zientifiko gehiago egin behar direla.

 

Abeletxeko untxiei buruzko zenbait datu

 

  • Untxiena da Europar Batasunean (EB) gehien hazten den bigarren abere-espeziea; hain zuzen ere, urtean 340 milioi untxi baino gehiago hiltzen dira.
  • Hala ere, untxien ekoizpenak EBko guztizko haragi-ekoizpenaren % 1,1 inguru besterik ez du hartzen.
  • Estatu kide gehienetan ez dago untxiak hazteko eta gizentzeko legeria espezifikorik, hauetan izan ezik:

- Austria (2012, pilatutako kaiolak erabiltzeko debekua).
- Belgika (2014, pixkanaka kaiolak erabiltzeari uzteko eta 2025erako parke-sistemak abian jartzeko araudia).
- Alemania (2014, animalien ongizateari buruzko legeriaren hobekuntza, untxien hazkuntza espezifikoki arautuz).
- Erresuma Batua (2007, abeletxeko animalien ongizaterako erregelamendua, untxien hazkuntzarako baldintza espezifikoak ezartzen dituena).

  • Untxien ustiapenak kalte handia izan du EBko haragi-kontsumoaren beherakadaren eta krisi ekonomikoaren ondorioz. Hiru urtean prezioak % 20 jaitsi dira, baina ekoizpen-kostuek berdin jarraitu dute.
  • EBko untxien hazkuntzaren sektorea beherantz doa etengabe, eta etorkizunerako proiekzioek aurreikusten dute ekoizpena % 3,9 murriztuko dela, untxi-haragiaren kontsumoak beheranzko joera baitu.
  • Untxien hazkuntzaren sektorea merkatu globalaren egoeren araberakoa da, eta ez ditu baliatzen Nekazaritza Politika Erkidearen (NPE) I. zutabean zehaztutako zuzeneko laguntzak edo merkatuko esku-hartzeak.

- Abeletxeetako untxien ongizate-arauei buruzko txostena - Europako Parlamentua, 2017-01-30

14 orrialdetatik 1.a   Hurrengoa >>
ELIKA . Granja Modelo, z/g . 01192 . Arkaute (Araba) . Telefonoa: 945 122 170 . Faxa: 945 122 171 . berri@elika.eus
RSS iturria
WEB orri honek ez du besteren publizitaterik eta ez du jasotzen publizitatetik eratorritako finantzaziorik.
Diseño web Vitoria

Gure eta hirugarrenen cookieak erabiltzen ditugu, erabiltzaileen nabigazioa aztertzeko.

Bada, nabigatzen jarraitzen baduzu, cookieen erabilera onartzen duzula ulertuko dugu. Konfigurazioa aldatzeko edo informazio gehiago lortzeko jo hona.