elika Hemen zaude: Produkzio-sektoreakAbeltzaintza/  Higienea eta Praktika Egokiak elika

Higienea eta Praktika Egokiak

LANDA-HEGAZTIEN BIOSEGURTASUN-FITXAK 17/12/27

Egile: ELIKA

Landa Hegaztien Europako Elkarteak (ERPA) biosegurtasun-fitxa batzuk egin ditu Europako landa-hegaztien hazleentzat:

 

  • 1. fitxa - Ekoizpen Unitateen kudeaketa eta babesa
  • 2. fitxa - Sarbideen kontrola eta "Osasun-hutsa"

Fitxa ulerterrazak dira eta hegaztien ustiategi batean errespetatu beharreko oinarrizko printzipioak gogorarazten dituzte:

 

  • Hazkuntza-eremuak babestea eta esku-hartzaile guztiak kudeatzea.
  • Ekoizpen-unitateak independenteki kudeatzea.
  • Palmipedoak eta galinazeoak bereiztea.
  • Osasun-sarbidea erabiltzea.
  • Elikagaia, ura eta hegaztiak babestea hegazti basatiek hegazti-gripea izanez gero.


Hegaztiak hazten dituzten ustiategi guztiek biosegurtasuneko neurri zorrotzak aplikatu behar dituzte osasun-mehatxuetatik babesteko, hala nola hegazti-gripetik. Testuinguru horretan, ERPAk lan hori egin du 2017an.

Hasteko, estatu kideek biosegurtasunaren arloan zituzten araudiak alderatu ditu eta gero, biosegurtasuneko neurri homogeneoak zehaztu ditu Europako hegazti-hazle guztientzat.

Fitxa horiek lau hizkuntzatan eskura daitezke: ingelesa, frantsesa, gaztelania eta italiera (ERPAren web orria).

 

KONTROL OFIZIALEI BURUZKO EUROPAR ARAUDIA ARGITARATU DUTE 17/04/19

Egile: Elika

Apirilaren 7an argitaratu dute DOUE L 94n Europako Parlamentuaren eta Kontseiluaren 2017/625 Araudia (EB), 2017ko martxoaren 15ekoa, elikagaien eta pentsuen legedia eta animalien osasunari eta ongizateari, landareen osasunari eta produktu fitosanitarioei buruzko arauak aplikatzen direla bermatzeko egiten diren kontrolei eta jarduera ofizialei buruzkoa. Horren bidez, hainbat araudi eta zuzentarau aldaratzen dira.


Halaber, araudi berri horrek indargabetu egingo ditu 882/2004 eta 854/2004 araudiak (EE), 2019ko abenduaren 14tik aurrera.

Aurreko albisteetan aurreratu dugun bezala, honako hauek dira, besteak beste, araudi honetako berrikuntzak:

 

  • Hedatu egin da aurreko araudiaren aplikazio-eremua, estaldura handiagoa emateko Landareen Osasunari, animalien azpiproduktuei buruzko arauei eta iruzurraren aurreikuspenari.
  • Arau zehatzagoak ezarriko dira dagoeneko estalita dauden zenbait arlotan, besteak beste, Animalien Osasunaren eta Ongizatearen arloan.
  • Kontrolaren betekizunak egokitu ahal izango dira sektore bakoitzaren aplikazio-behar espezifikoen arabera.


Araudi berriaren edukiari buruzko informazio gehiago - ELikaren berria 2017/03/31

 

 

ESNEAREN ETA ESNEKIEN KONTROL OFIZIALEN IKUSKARITZA ESPAINIAN - FVO 2016

Egile: FVO

Europako Batzordeko Elikadura eta Albaitaritza Bulegoak (FVO) Espainiako esne eta esnekiei lotutako kontrol ofizialen azken ikuskaritzaren emaitzak argitaratu ditu.

 

Laburbilduz, produktu horiei egindako kontrol ofizialak ondo garatu dira, eraginkorrak dira eta, oro har, lege-betebeharren eta urteko plangintzaren arabera gauzatzen dira.

 

Ez zen aurkitu elikadura-segurtasunerako balizko arriskurik.

 

Ikuskaritza-txostenaren emaitzei dagokienez, honako hauek aurki ditzakegu:

 

Gabeziak

  • Zenbait baimen eta kontroletan.
  • Araudiaren ezarpenean, esne-ekoizpenaren ustiategiei dagokienez.
  • Irizpide mikrobiologiko eta animalia-azpiproduktuei buruzko kontroletan.

 

Gomendioak

  • Animalia-jatorriko kontrolen neurriak hobetzea, bereziki esne eta esnekien kontroletan.
  • Baimendutako establezimenduen zerrendak eguneratuta daudela bermatzea.
  • Esne-ekoizpeneko ustiategietan higiene-betebeharren kontrol ofizialak aldizka eta maiztasun egokiarekin egiten direla bermatzea.
  • Listeria monocytogenes eta Salmonellari buruzko esnekien elikadura-enpresen ustiatzaileen laginketa-planak egokiak direla bermatzea.
  • Kontsumorako prest dauden elikagaien ekoizpenean diharduten enpresek eremuen eta ekoizpen-ekipamenduaren laginketa bat egitea Listeria monocytogenes antzemateko.
  • Animalia-azpiproduktuak jasotzeko erabilitako ontziek identifikazio-betebeharrak betetzen dituztela bermatzea.

 

Informe final de una auditoría realizada en España con objeto de evaluar el sistema de controles oficiales sobre la seguridad de los alimentos de origen animal, en particular de la leche y los productos lácteos – FVO 2016

9 orrialdetatik 1.a   Hurrengoa >>
ELIKA . Granja Modelo, z/g . 01192 . Arkaute (Araba) . Telefonoa: 945 122 170 . Faxa: 945 122 171 . berri@elika.eus
RSS iturria
WEB orri honek ez du besteren publizitaterik eta ez du jasotzen publizitatetik eratorritako finantzaziorik.
Diseño web Vitoria

Gure eta hirugarrenen cookieak erabiltzen ditugu, erabiltzaileen nabigazioa aztertzeko.

Bada, nabigatzen jarraitzen baduzu, cookieen erabilera onartzen duzula ulertuko dugu. Konfigurazioa aldatzeko edo informazio gehiago lortzeko jo hona.