elika Hemen zaude: Produkzio-sektoreak /  Abeltzaintza  /  Beste batzuk elika

Beste batzuk


ABELTZAINTZAN ANTIBIOTIKOAK BEHAR BEZALA ERABILTZEKO GIDA 15/12/23

Egile: EPRUMA

Animalietan Antibiotikoak Arduraz Erabiltzeko Europako Plataformak (EPRUMA) argitaratu du dokumentu hau; bertan azaltzen ditu antibiotikoek animalien osasunean dituzten zereginak eta onurak. Horrez gain, elikagaiak ekoizten dituzten animalien granjetan antibiotikoak erabiltzeko jardunbide egokiak deskribatzen ditu. Bertsio honetan, hobekuntzak egin zaizkio erakunde horrek 2008an argitaratutako dokumentuari.

Gidak ikuspegi holistikoagoa eta espezifikoagoa ematen du, antibiotikoak arduraz erabil daitezen, animalien osasuna hobetze aldera.

Dokumentuak alderdi hauei buruzko hainbat gomendio ere ematen ditu: animalien ekoizpen-sistemak (intentsiboa edo aire zabalekoa), ukuiluratzea, biosegurtasuna, elikadura, etab. Horrez gain, erabaki-zuhaitz bat barne hartzen du, elikagaiak ekoizten dituzten animalietan albaitari-antibiotikoak erabili behar diren erabakitzen laguntzeko.

EPRUMAren gida

ARTIKULUA: ABELTZAINTZAREN SEKTOREAREN EGUNGO EGOERA ETA BILAKAERA EAEN 25/11/25

Egile: ELIKA y NEIKER

NEIKER eta ELIKA, Eusko Jaurlaritzaren laguntzarekin, EAEn abeltzaintzaren sektorearen egungo egoera eta bilakaerari buruzko artikulu tekniko hau egin dute.

EUSKAL HERRIAN USTIATEGIETAN HILDAKO ABEREAK MERKATURATU AHAL IZANGO DIRA 15/11/25

Egile: Salud Pública del GV

Arlo horretan eskumena duten agintariek erabaki dute zer baldintza bete behar diren okela hori giza kontsumorako erabiltzeko. Baldintzok Eusko Jaurlaritzako Osasun Sailaren agindu honetan daude jasota: "Hiltegietatik kanpo premiaz hildako etxeko ungulatuen haragia: jarraibideak. Merkaturatzeko esparrua".

Horrela, Euskal Herrian giza kontsumorako erabil daiteke ganadu-haztegietan premiazko arrazoiengatik hildako etxeko ungulatuen haragia (behiena, ardiena, txerriena, zaldiena...).

Zein egoeratan onartzen den

 

Animalien ongizateari dagokionez indarrean dauden arauek debekatu egiten dute sufritzen duten animaliak garraiatzea. Animalia bat hiltegira eramateko, garraiatu egin behar da; beraz, garraialdi horretan min edo kalteren bat jasango badu, haztegian bertan hil behar da, animalien ongizateari eusteko.
Okela hori giza kontsumorako erabili ahal izango da, sufrimendua haztegiko istripu batek edo antzeko beste egoeraren batek eragiten badu; ordea, gaixorik dauden edo zaharrak diren animalien haragirik ez da erabiliko.

 

Bete beharreko baldintzak

 

  • Klinikan jarduten duen albaitari batek irizpena eman behar du, animalia garraiatzea egokia den ala ez erabakitzeko.
  • Klinikan jarduten duen albaitari batek hil aurreko ikuskaritza egin behar dio animaliari, giza kontsumorako egokia den ala ez aztertzeko.
  • Hiltegitik kanpoko hilketa agirietan jasoko da (haztegiaren erregistroetan).
  • Gaitasun-maila egokia duten langileek (dagokion ziurtagiria eduki behar dute) konortea galaraziko diote animaliari, hil aurretik.
  • Animalia higiene-baldintza egokietan garraiatuko da hiltegira. Garraialdia bi ordutik gorakoa bada, hozte-sisteman jarriko da.


Animaliarekin batera hiltegira eraman beharreko agiriak

 

  1. Haztegiaren erantzukizun-aitorpena
  2. Albaitariaren aitorpena
  3. Elikadura-katearen informazioa (EKI)
  4. Animaliaren identifikazio-agiria (AIA)

 

Haragi horiek merkaturatzeko, ez dago hiltegian lortutako haragiari ezartzen zaizkionak bestelako muga geografikorik.

Agindua "Hiltegietatik kanpo premiaz hildako etxeko ungulatuen haragia: jarraibideak. Merkaturatzeko esparrua".

11 orrialdetatik 1.a   Hurrengoa >>
ELIKA . Granja Modelo, z/g . 01192 . Arkaute (Araba) . Telefonoa: 945 122 170 . Faxa: 945 122 171 . berri@elika.eus
RSS iturria
WEB orri honek ez du besteren publizitaterik eta ez du jasotzen publizitatetik eratorritako finantzaziorik.
Diseño web Vitoria

Gure eta hirugarrenen cookieak erabiltzen ditugu, erabiltzaileen nabigazioa aztertzeko.

Bada, nabigatzen jarraitzen baduzu, cookieen erabilera onartzen duzula ulertuko dugu. Konfigurazioa aldatzeko edo informazio gehiago lortzeko jo hona.