elika Hemen zaude: Produkzio-sektoreakAbeltzaintza / Abere Osasuna elika

Abere Osasuna

4 EGUNERATZEA - BI HEGAZTI BAZATI H5N8 IAAP-ETARAKO POSITIBOA EMAN DUTE ESPAINIAN17/01/12

 ALIM´AGRI/CE/MAPAMA Egile: ELIKA

 

Algete-ko Laborategi Zentralak hegazti-gripearen (IAAP) H5N8 birusaren detekzioa egiaztatu du joan den urtarrilaren 3an hildako ahate bian, Palentzian.

MAPAMA-ko Komunikatu baten arabera:

  1. Basa hegaztiengako birusaren aurkikuntzak ez du merkataritzarako murrizketarik ekartzen.
  2. Ez da ikusten Osasun publikorako arriskurik dagoenik.
  3. Beharrezkoa da biosegurtasun-neurriak aplikatzea (MAPAMAren Biosegurtasun-neurrien gaineko Liburuxka)

Europako egoera

 

2016ko urriaren 28tik 2017ko urtarrilaren 10era, patogenotasun handiko hegazti-gripearen (IAAP) H5N8 birusaren 808 foku jakinarazi dira ofizialki Europan:

 

  • 363 hegazti basatietan
  • 432 eskortako hegaztietan (ekoitzitakoak)
  • 13 gatibu dauden hegaztietan (zooak...)

 

Hurrengo taulan ikus daitezke 2017ko urtarrilaren 17rarte MAPA-mak ofizialki jakinarazitako fokuen kopuruak:

 

HerrialdeaAgerraldi kop. hegazti basatietanAgerraldi kop. eskortako hegaztietanAgerraldi kop. gatibu hegaztietan
Alemania14027 (2)5 (1)
Frantzia395 (20)0
Italia001
Holanda3793
Erresuma Batua10 (3)3 (2)0
Irlanda100
Danimarka3510
Grezia100
Austria310
Finlandia801
Suedia12 (2)20
Txekiar Errepublika1 (1)5 (5)0
Hungaria6 (2)221(2)2 (2)
Polonia528 (6)0
Eslovenia1(1)00
Bulgaria3 (1)32 (23)0
Errumania610
Eslovakia1 (1)11 (1)
Kroazia4 (1)1 (1)0
Serbia130
Suitza8400
Ukraina12 (2)0
GUZTIRA363 (12)432 (63)13 (4)

Iturria: Nekazaritza eta Arrantza, Elikadura eta Ingurumen Ministerioa (2017ko urtarrilaren 10eko prentsa-oharra).

 

Parentesi artean agertzen diren zenbakiek azken astean, 2017ko urtarrilaren 3 tik 10era, jakinarazi diren fokuei egiten diete erreferentzia. Horien artean hauek nabarmendu behar dira: lehenengo fokua Irlandako hegazti basatien artean, Eslovakiako eskortako hegaztien artean eta Italian gatibu dauden hegaztien artean.

 

Europear Batzordea

 

Europako Batzordeak IAAPren H5N8ren fokuen egoeraren mapa eguneratu bat argitaratzen du aldian-aldian, honako esteka honetan: EBren mapa.

Europako Batzordearen arabera, egungo H5N8 birusak lotura dauka 2014. eta 2015. urteetan eskortako hegaztien artean hainbat agerraldi sorrarazi zituen IAAPren H5N8 birusarekin. Alabaina, zenbait aldaketa genetiko detektatu dira, eta horiek ikusi ahal izan dira, halaber, Errusian, Mongoliarekin mugan, hegazti basatiek zituzten birusetan (2016ko ekainean).

Laborategiko azterketek aurrera jarraitzen dute Europar Batasuneko erreferentziako laborategian (Central Veterinary Laboratory New Haw, Weybridge, Erresuma Batua); dena den, laborategiak berak aurreratu du birus isolatu hori hegaztiena dela nagusiki, eta ez daukala afinitaterik gizakientzat.

EFSA, Elikagaien Segurtasunerako Europako Agintaritza, irizpen zientifiko zehatz bat lantzen ari da, eta laster argitaratzea aurreikusten du.

 

Fokuen jatorria eta kronologia

 

2016ko urriaren 28an, Hungariak jakinarazi zuen IAAPren H5N8 birusa detektatu zuela laku batean hilda agertutako hegazti basati batean (beltxarga arrunta).

Ordutik, birusa Europako hainbat herrialdetako hegazti basatietan detektatu da. Infektatutako hegazti basati gehienak ahate migratzaileen espezieak dira, eta itsaso nahiz lakuen ertzetan hilda agertzen dira.

2016ko azaroaren 4an, Hungariak jakinarazi zuen IAAPren H5N8 birusaren lehen agerraldia eskortako hegaztien artean; hain zuzen ere, Tótkomlós herrian izan zen, Békés konderrian. Ondoren, agerraldi gehiago egon ziren ustiategi asko dauden eremu bateko zenbait ahate- eta antzara-ustiategitan.

Ordutik aurrera, IAAPren H5N8 birusaren agerraldiak egon dira hainbat herrialdetan, bai eskortako hegaztietan bai gatibu dauden hegaztietan: Alemania, Finlandia, Frantzia, Holanda, Polonia, Erresuma Batua, Danimarka, Finlandia, Austria, Suedia, Bulgaria, Errumania, Kroazia, Grezia, Serbia, Suitza, Irlanda, Eslovakia eta Italia.

 

Europan hartutako neurriak

 

Kaltetutako estatu kideetako albaitaritza-agintaritzek berehalakoan hartu dituzte indarreko araudiak ezartzen dituen kontrol-neurriak: 2005/94/CE Zuzentaraua (EK), Kontseiluarena; neurri hauek ezartzen ditu:

  • Kaltetutako hegaztiak hiltzea.
  • Babes- eta zaintza-guneak ezartzea kaltetutako ustiategien inguruan, birusa beste hegazti-ustiategi batzuetara zabal dadila saihesteko.

 

Frantziako egoera

 

2016ko abenduaren hasieratik, IAAPren H5N8 birusaren 89 agerraldi jakinarazi dira Frantziako abeltegietan, batez ere hego-mendebaldean.

Frantziako agintariek 2017ko urtarrilaren 4an egindako jakinarazpen ofizialaren arabera, osasun-egoera bilakaera desberdina izaten ari da hainbat eremutan: mugatutako zenbait eremu egonkortzen ari dira (bereziki Tarn, Aveyron eta Lot-et-Garona departamenduetan); alabaina, berrikiago baieztatutako agerraldiak barne hartzen dituen eremu bat ez dago egonkortuta oraindik. Eremu horretan sartzen dira Gers, Landak eta Pirinioak departamentuetako zati batzuk.

 

Hartutako neurriak

 

Frantziako Nekazaritza Ministerioa eta Osasun Politiken Kontseilua bildu egin dira, eta egoera kontrolatzeko zenbait neurri estrategiko ezarri dituzte; besteak beste: eremu jakin batean aire zabalean hazten diren hegazti palmipedoak (ahateak eta antzarak) hiltzea. Eremu horretan sartzen dira Gers, Landak eta Pirinio Garaiak departamentuetako zati batzuk.

Neurri hori Europako araudian ezarritakoen osagarri da, eta helburu gisa du hegazti asko dauden eremuak babestea (Chalosse barne) eta gaixotasunak aurrera egin dezala saihestea.

Hegaztiak hil ondoren, instalazioak eta parkeak desinfektatu beharko dira, eta ondoren animaliekin birpopulatu, baldintza zehatz batzuei jarraituz.

Garrantzitsua da nabarmentzea neurri horiek ez dietela oilasko- eta oilo-ustiategiei eragiten, eta, palmipedoen artean, ezta biosegurtasun-eskakizun jakin batzuk betetzen dituzten eta animalia bizirik saltzen ez duten ustiategiei ere.

Animaliak hiltzeko lanak urtarrilaren 5ean hasi eta urtarrilaren 20an amaituko dira, eta Estatuak finantzatuko ditu. Horrez gain, ekoizpena eteteak dakartzan galerak konpentsatu egingo dira, egoera egonkortzen denean adostuko diren baldintzetan.

 

 

Badago arriskurik gizakiontzat?

 

ECDCk (Gaixotasunak Prebenitzeko eta Kontrolatzeko Europako Zentroa) egindako eta azaroaren 18an argitaratutako arrisku-ebaluazioaren arabera, IAAP (H5N8) birus zoonotikoa jendeari transmititzeko arriskua oso txikia da.

Gaur arte, ez da birus horrekin infektatuko gizakiren baten kasurik jakinarazi mundu osoan.

Berriki analizatu diren zenbait H5N8 birusen genomaren sekuentzia osoek erakutsi dute, oraingoz, hegazti-birus horiek ez daukatela afinitate espezifikorik gizakientzat. Dena den, HA geneak H5N1 birusetatik eboluzionatu du; horrenbestez, gaixo dauden hegaztiekin kontaktuan dauden pertsonek infektatzeko arriskua izan dezakete.

Arrisku zoonotiko hori dela eta, kaltetutako herrialdeetan zenbait neurri aplikatzen ari dira:

1. Hegaztiengan gaixotasuna kontrolatzeko kontingentzia-planak ezartzea.
2. Norbera babesteko ekipoak ematea hegaztiekin kontaktuan egoten diren pertsonei, arnasketa-ekipoak barne.
3. Kaltetutako ustiategietan egoten diren pertsonak edo infektatutako hegazti basatiekin kontaktu zuzena dutenak monitorizatzea hamar egunez, birusarekin zerikusia izan dezaketen sintomak identifikatzeko.

 

3 EGUNERATZEA - HEGAZTI-GRIPEAREN AGERRALDI BERRIAK EUROPAN 16/12/22

 DG SANTE/RASVE/MAPAMA Egile: ELIKA

IAAP H5N8 Europan zehar zabaldu da, eta agerraldiek eta kasuek gora egiten jarraitzen dute. Erresuma Batuan ere agertu da IAAP H5N8 birusa indiolarren uztiategi batean.

Joan den abenduaren 6an, Frantziako Nekazaritza Ministerioak lurralde osoan gaixotasunaren arrisku-maila "altua" zela adierazi zuen.

Horrelako kasuetan hartzen diren ohiko neurriez gain (besteak beste zaintza- eta babes-guneak ezartzea), Frantziak honako neurri hauek ere hartu ditu lurraldean:

 

  • Bizirik dauden eskortako hegaztien kontzentrazioak debekatzea.
  • Ustiategien eta hegazti basatien arteko harremana ekiditea.
  • Ehiza-hegaztiak askatzea eta apeuak erabiltzea debekatzea.

Espainiako operadoreak eta administrazioa kezkatuta daude hautemandako azken kasuak direla eta, horietako batzuk Landetan eta Pirinio Atlantikoetan hauteman baitira. Nekazaritza, Arrantza, Elikadura eta Ingurumen Ministerioak gogorarazi du beharrezkoa dela hegazti-ustiategietan biosegurtasun-neurriak sendotzea, batez ere hegazti basatiekin harremana ekiditea xede duten neurriak.

 

H5N8 IAAPren agerraldien laburpena (2016-10-28tik 2016-12-22ra):

HerrialdeaAgerraldi kop. hegazti basatietanAgerraldi kop. eskortako hegaztietanAgerraldi kop. kaiolako hegaztietan
Erresuma Batua 1 
Serbia1  
Errumania5  
Suedia72 
Finlandia7 1
Frantzia4431
Hungaria396 
Polonia28 
Kroazia26  
Alemania25164
Austria12 
Suitza84  
Danimarka351 
Holanda2662

 

Batzordearen 2016ko abenduaren 8ko 2016/2219 Exekuzio Erabakia (EB). Horren bidez, honako erabaki honen eranskina aldarazten da:

Europako hegazti-gripearen agerraldiei buruzko informazioa - EE:

MAPAMAren informazioa: hegazti-gripea

 

2 EGUNERATZEA - HEGAZTI-GRIPEAREN AGERRALDI BERRIAK EUROPAN 16/12/09

Egile: CE y RASVE

2 Eguneratzea (2016/12/09)

H5N8 IAAPren agerraldien laburpena (2016-10-28tik 2016-12-09ra):

HerrialdeaAgerraldi kop. hegazti basatietanAgerraldi kop. eskortako hegaztietanAgerraldi kop. kaiolako hegaztietan
Serbia1  
Errumania2  
Suedia21 
Finlandia2 1
Frantzia2121
Hungaria396 
Polonia21 
Kroazia26  
Alemania25124
Austria12 
Suitza81  
Danimarka181 
Holanda1322

 

Batzordearen 2016ko abenduaren 8ko 2016/2219 Exekuzio Erabakia (EB). Horren bidez, honako erabaki honen eranskina aldarazten da:

Europako hegazti-gripearen agerraldiei buruzko informazioa - EE:

MAPAMAren informazioa: hegazti-gripea

 

1 Eguneratzea (2016/11/29)

2016ko urriaren amaieratik, hegazti-gripearen beste agerraldi batzuk jakinarazi dira Europako geografia osoan, eskortako hegaztietan nahiz basokoetan. Horrez gain, patogenotasun handiko hegazti-gripearen H5N8 birusa identifikatu da beste lau herrialdetan (Errumania, Frantzia, Suedia eta Finlandia).

H5N8 IAAPren agerraldien laburpena (2016-10-28tik 2016-11-29ra):

HerrialdeaAgerraldi kop. hegazti basatietanAgerraldi kop. eskortako hegaztietan
Errumania1 
Suedia11
Finlandia1 
Frantzia1 
Hungaria116
Polonia2 
Kroazia26 
Alemania2311
Austria12
Suitza62 
Danimarka181
Holanda92

Berria (2016/11/18)

2016ko urriaren amaieratik hegazti-gripearen agerraldi berriak antzeman dira Europako geografia osoan, eskortako hegaztietan nahiz basokoetan. Patogenotasun handiko hegazti-gripearen (IAAP) H5N8 birusa identifikatu da herrialde hauetan: Hungaria, Polonia, Kroazia, Alemania, Austria, Suitza, Danimarka eta Holanda.

 

Bestalde, EFSAko adituak laguntza ematen ari dira estatu kideei, birusa hegazti-ustiategietan nola sartzen den eta hegazti basatiek nolako arriskua dakarten identifikatzeko datuak jaso ditzaten. Informazio horrek hegazti-gripea EBn sartzeko arriskua berriz ebaluatzen lagunduko dio EFSAri, ezagutza zientifiko berriak oinarri hartuta. Aholku zientifiko eguneratuak 2017an argitaratuko dira.

 

Europako Batzordeak estatu kideei eskatu die agerraldi berriak zaindu eta murriztu ditzatela, horretarako zenbait neurri hartuz (esaterako, biosegurtasun-mailak areagotzea hegazti-ustiategietan).

 

Ez da H5N8 IAAPk kutsatutako gizakien kasurik jakinarazi EBn.

 

H5N8 IAAPren agerraldien laburpena (2016-10-28tik 2016-11-18ra):

HerrialdeaAgerraldi kop. hegazti basatietanAgerraldi kop. eskortako hegaztietan
Hungaria15
Polonia2 
Kroazia1 
Alemania13
Austria12
Suitza22 
Danimarka9 
Holanda52

Hegazti-gripeari buruzko webgunea-EB

IAAPren agerraldien kronologia-EB

H5 eta H7 IAAPen agerraldiak munduan-OIE

55 orrialdetatik 1.a   Hurrengoa >>
ELIKA . Granja Modelo, z/g . 01192 . Arkaute (Araba) . Telefonoa: 945 122 170 . Faxa: 945 122 171 . berri@elika.eus
RSS iturria
WEB orri honek ez du besteren publizitaterik eta ez du jasotzen publizitatetik eratorritako finantzaziorik.
Diseńo web Vitoria

Gure eta hirugarrenen cookieak erabiltzen ditugu, erabiltzaileen nabigazioa aztertzeko.

Bada, nabigatzen jarraitzen baduzu, cookieen erabilera onartzen duzula ulertuko dugu. Konfigurazioa aldatzeko edo informazio gehiago lortzeko jo hona.