elika Hemen zaude: Produkzio-sektoreakAbeltzaintza / Animalien identifikazioa eta trazabilitatea elika

Animalien identifikazioa eta trazabilitatea

METODO BERRI BAT, ARRAUTZAK EKOIZPEN-SISTEMAREN ARABERA BEREIZTEKO

Egile: AviAlter

Ekoizpena kontrolatzea eta etiketa-arauak behar bezala ezartzea giltzarri dira kontsumitzaileek askatasunez erabaki ahal izateko.


Alde horretatik, joan den martxoaren 18an AviAlter-ek (Hegazti Hazkuntza Alternatiboaren Elkarte Profesionala) Batzar Orokorra egin zuen Zaragozan, FIGAN 2015en barnean. Jarraian, jardunaldi tekniko bat egin zuen "Arrautza alternatiboaren trazabilitaterako bermea eta kontrola" gaiaren inguruan, eta han, hiru profesional aditu ezagunek beren lanak aurkeztu zituzten. Jesús Salasek (MAGRAMA) "Arrautza behar bezala ziurtatzeko bermeak eta kontrolak" gaiaren inguruan hitz egin zuen, Ricardo Ceperok (Albaitaritza Fakultatea, Zaragozako Unibertsitatea) "Hazkuntza-sistema hautemateko metodoak" lana aurkeztu zuen, eta Agnès Laszczyk-ek (All Labels, kontsultore independentea eta kalitate bereziko zigiluetan aditua) "Landako Arrautzak goi-mailako kalitate-ziurtagiriaren zigilua lortzeko baldintzak" lana aurkeztu zuen.


Ricardo Cepero doktorearen lana nabarmendu nahi dugu; izan ere, erakutsi zigun nola identifikatu hazkuntza-sistema arrautzen oskoletan izaten diren markak argi ultramoreen bitartez behatuta. Lan zabalago eta osoago baten atariko emaitzak erakutsi zizkigun, baina nahiko izan ziren metodoaren baliozkotasuna eta fidagarritasuna egiaztatzeko.

ZALDIEN MUGIMENDUEI BURUZKO TXARTEL BERRIA 14/07/11

Egile: MAGRAMA

Uztailaren 4an, Ministroen Kontseiluak Errege Dekretu bat onetsi zuen, zaldien mugimenduei buruzko txartela sortzeko. Txartel horrek ordeztu egingo ditu mugimenduei buruzko osasun-agiri ofizialak, baldin eta mugimenduen xedea honako hauek badira:

  1. Turismoa, olgeta, kultura edo larreen aprobetxamendua.
  2. Kirol- edo morfologia-lehiaketak.

Horretarako, zaldiek 30 egun baino lehenago itzuli behar dute jatorrizko ustiategietara, eta ez da animaliaren titularra aldatuko.

Txartela borondatezkoa izango da, eta autonomia-erkidegoan animalien mugimenduaren arloan eskuduntza duen organoak edo eskuordetzen duen organoak emango du.

ZMT eskuratzen ez dutenek gaur egungo betebehar berberak izango dituzte, osasun-agiri ofizialei dagokienez.

MAGRAMAren prentsa-oharra

ARDIAK ETA AHUNTZAK IDENTIFIKATZEKO ARAUDIA KALERATU DUTE 13/09/30

Egile: MAGRAMA

Astelehenean, irailaren 13an, 685/2013 Errege Dekretua kaleratu dute. Dekretu horren arabera:

  • Derrigorrezkoa da ardiak eta ahuntzak identifikatzea belarriko marka baten eta identifikatzaile elektroniko baten bidez.
  • Abeltzaintzako Ustiategien Erregistro Nagusian (REGA) atal berri bat sortu da ardien eta ahuntzen ustiategietarako.

Aurreko berri batean ematen genuen honen beri: berria.

3 orrialdetatik 1.a   Hurrengoa >>
ELIKA . Granja Modelo, z/g . 01192 . Arkaute (Araba) . Telefonoa: 945 122 170 . Faxa: 945 122 171 . berri@elika.eus
RSS iturria
WEB orri honek ez du besteren publizitaterik eta ez du jasotzen publizitatetik eratorritako finantzaziorik.
Diseño web Vitoria

Gure eta hirugarrenen cookieak erabiltzen ditugu, erabiltzaileen nabigazioa aztertzeko.

Bada, nabigatzen jarraitzen baduzu, cookieen erabilera onartzen duzula ulertuko dugu. Konfigurazioa aldatzeko edo informazio gehiago lortzeko jo hona.