Produktu Fitosanitarioen Erabilera Jasangarrirako Ekintzen Plan Nazionalan sartuta daude 2009/128/EC-aren helburuak. Lehenengo Plana 2013-17 aldirako egin zen, eta 2017ko abenduaren 31n amaitu zen.
2017 ekitaldiko EPN-aren emaitzen txostenean jasotako datuen artean, hauek dira aipagarrienak:
- Prestakuntza eman zaie 3.457 aholkulari, 248.059 erabiltzaile profesionali eta 25.229 saltzaileri.
- Hauek dira ROPO (defentsa sanitariorako baliabideen ekoizleen eta operadoreen erregistro ofiziala) sortu zenetik egon diren izen-emateak: produktu fitosanitarioen 4.661 hornitzaile, tratamenduen ia 5.751 enpresa, 17.097 aholkulari eta 795.542 erabiltzaile profesional baino gehiago.
- Zazpi IKI gida (izurriteen kudeaketa integrala) onartu dira; hauei dagozkie: hostodun barazkiak, hostozabalak, liliazeoak, arroza, kiwia, gaztainondoa eta pistatxoa.
- 115 baimen berri, 54 erabilera-luzapen, 52 elkarrekiko aitorpen eta 63 baimen berezi erregistratu dira.
- Ikerketari, berrikuntzari eta transferentzia teknologikoari dagokionez, ez da aurrerapenik erregistratu 2016. urtean.
- Kontrolak:
- Produktu fitosanitarioak banatzen dituzten 1.000 establezimendu baino gehiago kontrolatu ziren, alegia, guztien % 35 (guztira 2.900 ziren). Gabeziak aurkitu ziren 172 banatzailetan, hau da, % 17tan.
- Kontrolak egin zitzaizkien 4.000 nekazari eta basogin baino gehiagori, eta 37 kasutan detektatu zen produktu fitosanitarioak oker erabiltzen zituztela (% 1).
Emaitza horiek 2017koak dira, 2013-2017 Ekintza Plan Nazionalaren azken urtekoak.