Elikagaien Segurtasuneko Irlandako Agentziak (FSAI) abeltzaintza arloko hondakinen arriskua balioztatu du, hain zuzen ere, ea hondakin horiek ongarri gisa erabiltzean eta giza kontsumorako elikagaiak ekoizteko lur-eremuetatik sakabanatzean arriskurik egon ote litekeen jakinarazteko. Dokumentuak informazio eguneratua bildu du horrelako hondakinak nekazaritza arloan erabiltzean sor litekeen arriskua aldez aurretik ekiditeko: tratamenduaz, kudeaketaz eta eskuragarri ditugun teknikarik onenez hain zuzen. Agentziak hainbat ondorio atera ditu ikerketa horretatik, honako hau besteak beste: horrelako praktikak erabiltzea egokia izan litekeela, baina betiere kudeaketa egokiarekin eta Nekazaritzako Jardunbide Egokiekin batera erabiliz gero. Bestalde, Agentziak ondorioztatu du arrisku baxua dagoela abeltzaintza arloko hondakinak ongarri gisa erabiltzean; betiere hondakinon jatorria ezagutu eta modu egokian kontrolatuz gero.
Eguneraketa data: 2025/07/18