Kontrol ofiziala
Europako Parlamentuaren eta Batzordearen 882/2004 Araudiak (EE), 2004ko apirilaren 29koak, ezartzen ditu pentsu, elikagai, osasun eta animalia-ongizatearen esparruko kontrol ofizialak egiteko oinarriak.
Araudi horren arabera, Estatu kide bakoitzak Urte Anitzeko Plan Nazional bat egin eta ezar dezake.
Espainian indarrean dago Elikakatea kontrolatzeko Plan Nazionala (PNCOCA) 2011-2015.
Planak zenbait programa ditu, kontrol-arlo bakoitzaren arabera.
Hondakinak Ikertzeko Plan Nazionala (PNIR)
Beste alde batetik, 1989az geroztik, Espainian indarrean dago Hondakinak Ikertzeko Plan Nazionala (HIPN).
Ondoren, 1998an, plana gainerako animalia-espezieetara hedatu zen (espezie handiagoak, untxiak, hegaztiak eta ehizakiak), baita animalia-jatorriko beste elikagai batzuetara ere; hala nola, esnera, arrautzetara, akuikultura- eta ezti-produktuetara ere, 1749/1998 Errege Dekretuaren bidez. Horren bidez ezartzen dira substantzia jakin batzuei eta substantzia horiek bizirik dauden animalietan eta haien ekoizkinetan uzten dituzten hondakinei aplikatu beharreko kontrol-neurriak.
Hondakinak Ikertzeko Plan Nazionalak ahalbidetu egiten du zein mailatan erabiltzen diren substantzia debekatuak eta zenbatetan erabiltzen diren baimendutako substantziak ezarritako gehienezko mugetatik harago.
- PNIReko datuen historia Espainian – MAGRAMA
- PNIRen webgunea – MAGRAMA
Kontrol ofizialeko programak
Hauek dira PNCOCAren baitako kontrol ofizialeko programak, erleen ekoizpenean eragina dutenak:
- Animaliak Identifikatu eta Erregistratzeko Kontrol Ofizialeko Programa Nazionala
- Abeltzaintzako lehenengo mailako ekoizpenaren Higiene eta Osasun Kontrol Ofizialeko Programa Nazionala