|
Iturria:
ACSA
|
Kataluniako Elikagaien Segurtasunerako Agentziak (ACSA) Pastelgintzaren sektorerako jardunbide egokien gidaren bigarren edizioa argitaratu du. Gida elikagaien arloko eragileei zuzenduta dago, APPCCaren printzipioetan oinarritutako autokontrol-sistemen ezarpena errazteko, (EE) 852/2004 Erregelamenduan xedatutakoaren arabera.
Gida txikizkako merkataritzan aritzen diren eta gozogintzako, pastelgintzako eta opilgintzako produktuak egiten, laberatzen eta merkaturatzen dituzten enpresei zuzenduta dago. Hainbat kapitulu ditu, sektorearen arloko higiene-kontzeptu orokor eta espezifikoei buruzkoak, aurreskakizun-zerrenden autokontrola kudeatzeari buruzkoak, eta, azkenik, dokumentuan zehar zehazten diren aurreskakizun-planak betetzen laguntzeko dokumentuei buruzkoak.
Dokumentuan ezartzen dira pastelgintzako produktuak egitean, biltegiratzean eta merkaturatzean aintzat hartu beharreko elikagaien segurtasuna bermatzeko irizpide tekniko eta operatiboak.
Hauek dira gidaren helburu nagusiak:
- Jardunbide egokien berri izatea eta aplikatzea jardueraren fase guztietan, lehengaiak jasotzen direnetik produktuak kontsumitzaileari saldu arte.
- Osasun publikoaren babesa zaintzea; horretarako, baldintza higieniko-sanitarioen eta pastelgintzako lantegietan ekoizteko prozesuen etengabeko hobekuntza sustatuko da.
- Elikagaien segurtasunaren kultura, araudiaren betearazpena eta kontsumitzaileekiko ardura sustatzea.
- Gida sektorean erreferentziazko baliabide gisa bermatzea.
Autokontrol-sistema inplementatzen lagunduko duten erregistroen ereduak eta dokumentazioa jasota daude gidan, pastelgintzako profesionalei, finkatuta daudenei zein hasiberriei, beren produktuen segurtasuna eta kaltegabetasuna bermatzeko prozesuaren fase guztietan: lehengaiak jasotzen dituztenetik produktuak azken kontsumitzaileari saltzen dizkioten arte.
Gida hau ACSAren laguntzari esker egin da, Bartzelona, Girona, Lleida eta Tarragonako eskualde-gremioekin lankidetzan, dokumentuak sektorearen errealitate profesionalak jasotzen dituela bermatze aldera.ctor.