Alergenoak kudeatzeko gidaliburuak elikagaien industrian eta sukaldaritzan

Gidaliburu horiek bereziki nabarmentzen dute osagai baten, marka baten, hornitzaile baten, errezeta baten edo formulazio baten edozein aldaketak fitxa teknikoak, prozesuak eta kontsumitzaileei emandako informazioa berrikustera behartzen duela. Horrez gain, garbiketa-prozedurak balioztatzeko eta aldian-aldian egiaztatzeko beharra nabarmentzen dute.

Helburuak

Bi gidek tresna multzo bat eskaintzen dute elikagaien alergenoen eta glutenaren kudeaketa establezimenduetako autokontrol-sistemetan txerta dadin errazteko, elikagaiekin edo osagai alergenoekin kontaktua izateagatik gurutzatutako kutsadura ekiditeko eta/edo murrizteko, eta kontsumitzaileei elikagaien etiketetan emandako informazioaren egiazkotasuna ziurtatzeko.

Gidaliburu horiek printzipio orokor batzuk azaltzen dituzte, osagai alergeniko desberdinak hainbat egoeratan kudeatu ahal izateko aplika daitezkeenak. Era berean, elikagaien industrietan eta jatetxeetan alergiak, elikadura-intolerantziak edo gaixotasun zeliakoa duten pertsonei elikagai seguruak ekoizten laguntzeko txerta daitezkeen jardunbideak deskribatzen dituzte.

Nori zuzenduta daude?

Gidaliburua: alergenoak eta glutena kudeatzea elikagai-industrian

Elikagaiak egiten eta/edo ontziratzen dituzten elikagaien industria guztiei, enpresa txikiak eta ertainak, elikagaien artisauak eta fabrikatzaile handiak barne.

Gidaliburua: alergenoak eta glutena kudeatzea sukaldaritzan

Sukaldaritza profesionalaren esparruan lan egiten duten profesional guztiei:  tabernak, jatetxeak, eskolak, ospitaleak, egoitzak, udaleku-etxeak, espetxeak, lan-jantokiak, etab.