Zer da?
Gaixotasun zeliakoa edo zeliakia ez da alergia edo elikadura-intolerantzia bat, baizik eta gaixotasun autoimmune kronikoa, aurrejoera genetikoa duten pertsonek glutena irenstean gertatzen dena.
Lesio bat eragiten du goiko este mehearen (duodenoa) mukosan, larritasun aldakorreko lesioa izaten da, eta elikagaietako mantenugaiak xurgatzea zailtzen du (karbono-hidratoak, proteinak, koipeak, mineralak eta bitaminak).
Eraginak gizakion osasunean
Sintomak
Hauek dira sintomarik ohikoenak: pisua galtzea, gosea galtzea, nekea, goragalea, gorakoak, abdomeneko distentsioa, masa muskularra galtzea eta hazkundea atzeratzea, besteak beste.
Zeliakiak ez dio soilik digestio-aparatuari eragiten, baizik eta beste edozein organori ere bai, eta funtzio-nahasmendua eragin dezake. Ohikoa da arazo erreumatologikoak, endokrinoak, neurologikoak, psikiatrikoak, dermatologikoak edo ugalketakoak egotea: are gehiago, horiek ohikoagoak dira hesteetako sintoma soilak baino.
Gaixotasuna agertzeko gradu asko daude, eta aldakortasun handia dago zeliakoei kalteak eragiteko behar den gluten-kopuruan ere.
Prebentzioa
Glutenik ez hartzea da tratamendua, eta glutenik ez duten elikagaietan oinarritutako dieta bat ezartzea. Glutena dietatik kendu ondoren, hesteko lesioak sendatuko dira, eta elikagaien xurgapena normaltasunera itzuliko da.