|
Fuente:
RASFF
|
Elikagaien eta Pentsuen Alerta Azkarreko Sistema (RASFF) pentsu edo elikagai batean arrisku bat detektatzeari buruzko informazioa trukatzeko tresna bat da.
2025an, lau hilean behin kontsultatutako datuen arabera, animalien elikadurarako produktuei buruzko 268 jakinarazpen egin dira. Horietatik 48 alertak izan dira (% 18), 193 informazio-jakinarazpenak (% 72) eta 27 mugan egin diren ukapenak (% 40).
2025an zehar hautemandako arrisku gehienak mikrobiologikoak izan dira (% 49). Ondoren, honako hauek nabarmentzen dira: bestelakoen presentzia (% 17), honako hauek barne: gorputz arrotzak, plastiko‑hondakinak, gehigarri kopuru altuak, eta abar.;pestizida-hondakinen eta mikotoxinak (% 7) eta
Produktuen arabera, lehengaiek eragin dituzte jakinarazpenen % 65, etxeko animalientzako pentsuek % 22, loditzeko animalientzako pentsuek % 11 eta gehigarri eta aurre-nahasketek % 2.
2024an jasotako jakinarazpenekin alderatuta,honako ohar hauek egin behar ditugu:
- Aurreko urtearekiko % 12 murriztu dira jakinarazpenak.
- Arrisku mikrobiologikoa da oraingoan ere detektatutako lehenengo arrisku-mota (% 49 inguru).
- Mikrobiologian, metal astunetan, askotarikoan (gorputz arrotzak etab.) hautemandako arriskuen ehunekoa oso antzekoa da, 2024arekin alderatuz gero. Nabarmentzekoa da ezpurutasun botanikoak % 5 igo direla.
- Mugan egin diren ukapenak, berriz, % 26 murriztu dira.
- Antzeko ehunekoa dute aurreko urtearekin alderatuz gero tartean dauden produktuen kategoriak, lehengaiak izan ezik, aurreko urtekoa baino txikiagoa baita.
- Jakinarazpenetan jasotako lehengai nagusiak aurreko urtekoaren antzekoak dira: soja- eta koltza‑produktuak, arrain‑irina eta ekilorez egindako produktuak.