Nekazaritza, Arrantza eta Elikadura Ministerioak (NAEM) informazio-ohar berri bat argitaratu du Gaztela-Mantxan baieztatu den ardi- eta ahuntz-baztangaren azken fokuari buruz eta hura kontrolatzeko eta erazteko hartu diren neurriei buruz.
Gaztela-Mantxako agintaritza eskudunek lurraldeko ardi- eta ahuntz-ustiategietan gauzatzen ari diren zaintza biziari esker, Ciudad Real probintziako esne-ardien ustiategi batean ardi- eta ahuntz-baztangaren foku berri bat baieztatu ahal izan da martxoaren 22an.
Kaltetutako abeletxeak 1216 abelburu ditu eta ardi- eta ahuntz-baztangaren ondorioz mugatutako eremu batean dago, 8100 ardiko ustiategi batean joan den otsailaren 8an jakinarazitako azken fokuaren ondorioz.
Kaltetutako ustiategian, autonomia-erkidegoek berehala hartu dituzte kontrol-neurriak, honako hauek barne: animaliak hiltzea, hilotzak ezabatzea, ustiategia ofizialki garbitu eta desinfektatzea, 5 kilometroko babes-eremua ezartzea eta 20 kilometroko zaintza-eremua (biosegurtasun-neurriak ezarrita eta bi eremu horietan dauden ardi- eta ahuntz-ustiategiak zainduta), eta animalien eta produktuen mugimendua murrizteko neurriak ezartzea.
Halaber, ikerketa epidemiologikoa egiten ari dira, fokuaren jatorria zein den jakiteko. Ustiategia mugatutako mugatutako eremu batean dagoenez, azken bi hilabeteetan ez da animaliarik sartu eta irten direnak mugatutako eremu bereko hiltegietara irten dira. Ez dago, halaber, ibilgailuak eta langileak transmisio-bide gisa identifikatzen dituen loturarik.
Abeltzaintzako gaixotasun hori agertzeak inpaktu sanitario larria eragin du Gaztela-Mantxako ardi-ustiategietan, eta, ondorioz, eragin ekonomiko handia.
Prebenitzeko, Elikak, euskal agintaritza eskudunekin batera, informazio-triptiko bat egin du. Triptikoa joan den otsailaren 10ean argitaratu genuen webgune honetan, Euskadiko abeltzaintza-sektoreari gaixotasun hori agertu dela jakinarazteko, erne egon dadin eta gaixotasunarekin bateragarria den edozein zeinu kliniko edo sintomatologia zaindu ahal dezan, balizko foku bat modu goiztiarrean detektatu ahal izateko.
Gogorarazten da:
- Ardi- eta ahuntz-baztanga ez da zoonosia eta haragi eta esnea kontsumitzea ez da arriskutsua pertsonentzat, ez eta kutsatuta egonda ere.
- Funtsezkoa da biosegurtasun-neurriak aplikatzea ardi- eta ahuntz-ustiategietan eta animalien garraioan, bai eta, edozein susmo izanez gero, agintari eskudunei jakinaraztea ere.
Gaixotasun horri buruzko informazio gehiago:
Eguneraketa data: 2025/08/18