Areagotzen ari den arriskua: zianotoxinak uretan eta elikagaietan

ACSAk zianobakterioei eta horiek sortzen dituzten toxinei buruzko artikulu bat argitaratu du ANSESek egindako ebaluazio batean oinarrituta. Ebaluazio horretan ur edangarrian, jolaserako uretan eta arrantza profesionaleko eta aisialdiko jardueretan erabilitako uretan zianobakterioak eta horren toxinak agertzearen ondoriozko arriskuen berri ematen da.

Zianobakterioak eta Zianotoxinak

Lurrean zein uretan (gazi zein gezan) hazten den mikroorganismo mota bat da. Eguzkiak gogor jotzen duenean eta uraren tenperatura 20 gradutik gorakoa denean, izugarri areagotu daiteke egun gutxi batzuetan eta loraketa gertatzen da; ondorioz, pertsona zein animalientzat kaltegarriak izan daitezkeen toxinak sor daitezke, zianotoxinak, hain zuzen ere.

Giza esposizioa

ANSESek Europako herritarrek toxina horiek kontsumitzeagatik izan dezaketen arriskuaren karakterizazioa egin du, mikrozistina barietate bakar batean oinarrituta.

Toxina horrekiko esposizio‑probabilitatea handiagoa da arraina eta itsaskiak kontsumitu ohi dituztenen artean, bai eta mikrozistinekin kutsatutako alga berdeen osagarriak kontsumitzen dituztenen artean. Beste elikagai batzuei (kultiboak, ehiza, haragia, arrautzak edo esnekiak) eta mikrozistinak ez diren beste zianotoxina batzuei dagokionez, datuak ez dira nahikoak ondorio batera iristeko.

Sintomak

Zianotoxinek urdaileko ondoeza, gorakoa eta beherakoa eragin dezakete, bai eta gibeleko eta giltzurruneko ondoeza zianotoxinekin kutsatutako ura edo elikagaiak kontsumitu dituztenei.

Herritar sentiberenak jaioberriak, sei urtetik beherako haurrak, haurdun eta edoskitzaroan dauden pertsonak, gibeleko gaixotasunak dituztenak, dialisi‑tratamenduak dituztenak eta adineko pertsonak dira.

Arriskua kudeatzea

Ur edangarriaren ohiko tratamenduaren bidez zianobakterioak eta toxinen maila txikiak ezabatu daitezke.

Hala ere, loraldia akutua bada, gerta daiteke ohiko tratamenduak nahikoak ez izatea. Horregatik, ur edangarriko sistema askotan neurri gehigarriak hartzen ari dira zianotoxinen agerpena tratatzeko.

Eguneraketa data: 2025/07/18

Cookiak doitu/Gestión de Cookies

Cookieak gure webgunearen erabilgarritasuna eta prozesuak hobetzeko edo gaitzeko erabiltzen dira. Cookieak desgaitu edo ezabatzen badira, gerta daiteke erabiltzaileek webgunearen aukerak ezin erabiltzea, edo webgunean diseinatu ez den moduan funtzionatu dezake arakatzaileak.

Gehiago jakin nahi izanez gero, gure Pribatasun politika irakurri.

Esta web utiliza cookies para que podamos ofrecerte la mejor experiencia de usuario posible. La información de las cookies se almacena en tu navegador y realiza funciones tales como reconocerte cuando vuelves a nuestra web o ayudar a nuestro equipo a comprender qué secciones de la web encuentras más interesantes y útiles.

Si quieres saber más lee nuestra Política de privacidad