Arriskuen Ebaluaziorako Metodologiak Bateratzeko Zientzia Sarea EFSAk sortu zuen, 2012an, honako helburu hauekin:
- Handitzea EBn egindako Arriskuen Ebaluazioen bateratze maila.
- Sustatzea Arriskuen Ebaluazioaren printzipioen elkar ulertzea eta hobetzea parte-hartzaileen arteko elkarrizketa.
- Hobetzea EBn egindako zientzia-ebaluazioen ezagutza eta konfiantza.
- Gardentasun handiagoa ematea estatu kideen eta EFSAren arteko egungo prozesuari.
Urteko bigarren txostenean ezartzen du Sareak 2014ko azarorako aurreikusitako bilkuraren ordez, galdeketa publikoa egingo duela Arriskuen Ebaluazioaren ikuspegi globalera begira azken aldian eta orain martxan dauden jarduerei buruz. Honako hauek dira Arrisku Ebaluazio horren oinarriak: zientzia-ebidentzia (Prometheus proiektua), ebidentziaren pisua ebaluazioan eta garrantzia biologikoa toxikologian, eta Arriskuen Ebaluazioaren ziurgabetasuna.
Galdeketa aurki argitaratuko da honako lotura honetan eta emaitzak lagungarri izango da lan-tailerra prestatzeko. 2015aren hasieran egingo da eta estatu kideak eta nazioarteko organismoak bilduko ditu, esparru horietan azken aldian eta orain martxan dauden jarduerei buruzko informazioa elkartrukatzeko.
Bestalde, galdeketaren bidez jasotako ekarpenek Sareak egindako orientazio-agiriak elikatuko dituzte. Ondoren, beste tailer bat antolatuko da, orientazio-agiriak zabaltzeko eta horien aplikazioa errazteko.
Arriskuen Ebaluaziorako Metodologiak Bateratzeko EFSAren Sarearen urteko txostena
Arriskuen Ebaluaziorako Metodologiak Bateratzeko Sarea
Eguneraketa data: 2025/07/18