|
Iturria:
EFSA
|
Elikagaien Segurtasuneko Europako Agintaritzak (EFSA) berrikusi egin ditu osasunean oinarritutako erreferentzia-balioak azido trifluoroazetikorako (TFA), eta babes handiagoko mugak ezarri ditu elikagaien bidezko kontsumitzaileen esposiziorako.
Azido trifluoroazetikoa (TFA) konposatu oso iraunkorra da ingurumenean, eta zenbait substantzia perfluoroalkilatu eta polifluoralkilatuen (PFAS) degradazioaren ondorioz eta gas industrialen eta produktu fitosanitarioetako substantzia aktiboen ondorioz sortzen da.
Substantzia hori lurzoruan, uretan eta elikagaietan egotearen ondorioz, populazioaren etengabeko esposizioa gerta daiteke.
Europako Batzordeak eskatuta, EFSAk TFAren toxikotasunari buruzko berrebaluazio integrala egin du, osasunean oinarritutako erreferentzia-balioak (Health-Based Guidance Values, HBGV) eguneratu ahal izateko, elikagaien bidezko esposiziorako. Ebaluazioan aztertu egin dira 170 azterlan zientifiko eta espediente arautzaile, eta informazio berria gehitu da garapenean, ugalketan eta sistema endokrinoan dituen eraginei buruz.
Osasunean dituen ondorioak
Emaitzek erakusten dute TFAk probabilitate txikia duela potentzial genotoxikoa izateko, baina animalietan eginiko ikerketa berriek ondorioak identifikatu dituzte garapenean, ugalketan eta hormona tiroideoetan; azken horiek balio toxikologiko berrian ezartzeko erabili den ondorio kritikoa izan dira.
Muga berriak
Berrikuspenaren emaitza gisa, EFSAK hau ezarri du:
- 0,014 mg/gorputz-pisuaren kg/egun-eko eguneko ingestio onargarria (EIO); 2017an 0,05 mg/kg ezarri zen (3,5 aldiz gutxiago).
- 0,07 mg/gorputz-pisuaren kg-ko erreferentziazko dosi akutua. Aurreko ebaluazioan ez zegoen ezarrita balio hori.
Balio berri horiek oinarri zientifiko eguneratua ematen dute TFAra lotutako arriskuaren ebaluaziorako, eta Europa mailako etorkizuneko erabakietan lagundu ahal izango dute elikagaien segurtasunaren, uraren kalitatea zaintzearen eta substantzia kimikoak arautzearen arloan.drán servir de apoyo a futuras decisiones europeas en materia de seguridad alimentaria, vigilancia de la calidad del agua y regulación de sustancias químicas.
Ziurgabetasunak
Oraindik ere ziurgabetasun garrantzitsuak daude, hala nola ez dagoela epe luzerako kartzinogenizitate-azterlanik eta informazio gutxi dagoela eskuragarri garapenean zehar izan ditzaketen ondorio immunologikoei buruz. Muga horiek kontuan izateko, toxikologian erabili ohi den ziurgabetasun estandarraren faktoreaz gain, Agintaritzak segurtasuneko faktore osagarri bat aplikatu zuen erreferentzia-balio berriak ematean.
Eguneraketa data: 2026/07/23