Kontsumitzeko prest dauden elikagaietako Listeria monocytogenesen bizitza baliagarriari buruzko azterlanen orientazio-dokumentua



Europako Batzordeak (DG SANTE) kontsumitzeko prest dauden elikagaiak ekoizten dituzten elikadura-enpresen operadoreei zuzendutako orientazio-dokumentu bat argitaratu du, Listeria monocytogenesen arriskua kontrolatzen laguntzeko, ekoizpenetik hasi eta bizitza baliagarriaren
amaierara arte.


Batzordearen 2024/2895 (EB) Erregelamenduak, 2024ko azaroaren 20koak, 2073/2005 (EE) Erregelamendua aldatzen du, Listeria monocytogenes bakterioari dagokionez; halaber, kontsumitzeko prest dauden elikagaietan (RTE) aldaketa gako bat gehitzen du eta 2026ko uztailaren 1ean sartuko da indarrean. Irizpide berri horren arabera, L. monocytogenesa haztea ahalbidetu dezaketen RTE elikagaien kasuan, “ez-detektagarria 25 gramotan” irizpidea aplikatuko da, elikagai-enpresak bizitza baliagarrian zehar 100 ufc/g balioa gainditzen ez duela erakusten duenean salbu.

Horretarako, elikagai-enpresek honako hau egin behar dute: produktua RTE edo ez RTE gisa sailkatu; elikagaiak L.monocytogenesa haztea ahalbidetzen duen edo ez ebaluatu; aplika daitezkeen irizpide mikrobiologikoak zehaztu; produktuaren bizitza baliagarria ezarri, baliozkotu eta egiaztatu; L. monocytogenesaren ingurumen-ikuskapena egin; eta etiketatze egokia bermatu. Bestalde, administrazioek sailkapen hori egiaztatu beharko dute, bai eta bizitza baliagarriko azterlanak, ingurumen-ikuskapena eta neurri zuzentzaileak ere.


Elikagai-enpresak zientifikoki erakutsi beharko du RTE elikagaiak Listeria monocytogenesa haztea ahalbidetzen duen eta produktuaren bizitza baliagarria ezarri, baliozkotu eta egiaztatu beharko du, honako metodo hauen bitartez:

  1. Elikagaiaren karakterizazioa: berezko parametroak (Ph, aw, gatza) eta kanpoko parametroak (tenperatura, prozesatzea, ontziratzea) berrikustea.
  2. Berrikuspen zientifikoa eta datu historikoak: egungo azterlanekin alderatu eta ekoizte-prozesuaren aurretiazko emaitzak aztertzea.
  3. Eredu prediktiboak: hazkundea hainbat agertokitan zenbatestea eta agertoki okerrenaren inpaktua ebaluatzea ahalbidetzen dute.
  4. Challenge test: L. monocytogenes inokulatzeko saiakerak, bakterioaren hazkunde-potentziala eta -tasa zehazteko.
  5. Iraunkortasun-azterlanak: naturalki kutsatutako produktuak ebaluatzea, benetako baldintzetan muga (100 ufc/g) gainditzen ez dela baieztatzeko.

Listeria monocytogenesaren kontrola Elikagaien Segurtasunerako Sisteman integratu behar da, bizitza baliagarriaren ezarpena, baliozkotzea, laginketaren bidezko egiaztapena eta derrigorrezko berrebaluazioa barne, osagaiak, prozesua, ontzia edo biltegiratze-baldintzak aldatzen direnean.

Eguneraketa data: 2026/03/13

Cookiak doitu/Gestión de Cookies

Cookieak gure webgunearen erabilgarritasuna eta prozesuak hobetzeko edo gaitzeko erabiltzen dira. Cookieak desgaitu edo ezabatzen badira, gerta daiteke erabiltzaileek webgunearen aukerak ezin erabiltzea, edo webgunean diseinatu ez den moduan funtzionatu dezake arakatzaileak.

Gehiago jakin nahi izanez gero, gure Pribatasun politika irakurri.

Esta web utiliza cookies para que podamos ofrecerte la mejor experiencia de usuario posible. La información de las cookies se almacena en tu navegador y realiza funciones tales como reconocerte cuando vuelves a nuestra web o ayudar a nuestro equipo a comprender qué secciones de la web encuentras más interesantes y útiles.

Si quieres saber más lee nuestra Política de privacidad