EFSAk argitaratu duen dokumentuan panelek argitaratzen dituzten zientzia-iritzi eta -irizpenek izan beharreko egitura eta gutxieneko edukiak proposatzen dira.
Arriskuak Ebaluatzeko metodologia harmonizatzeko helburua lortzeko, EFSAk bere Zientzia Batzordeari agindu dio zientzia-txosten eta -irizpenen egitura eta edukiak berrikusteko. Ondoren, aholku-dokumentu hau egin du.
Proposatutako egitura behar bezain malgua da EFSAk argitaratzen dituen txosten mota guztietara egokitzeko. Zehazki, honako atal hauek ditu:
- Titulua, estraktua (abstract), hitz gakoak eta laburpena.
- Sarrera:mandatuaren erreferentziazko hitzak izan behar ditu.
- Datuak eta metodologia:erabilitako informazio-iturriak eta dokumentu-gidak barne.
- Ebaluazioa:ziurgabetasunak eta aldakortasuna deskribatuta.
- Ondorioak.
- Gomendioak.
- Erabilitako erreferentziak.
- Gehigarriak, eranskinak eta hiztegia (beharrezkoa balitz).
Egitura berri hori zenbait iritzitan testatu da, Zientzia Batzordeak 2014ko uztailean eginiko osoko bilkuran onetsi baino lehen. Hemendik aurrera, urtebeteko proba-aldia ireki da, hurrengo zientzia-iritzietan balia dezaten. Ondoren, bere egokitasuna eta ezargarritasuna aztertuko dira.
Era berean, EFSAk infografia xume bat argitaratu berri du, eta bertan hiru pausotan oso argi azaltzen du zientzia-prozesua zer-nolakoa den, eskaera jasotzen denetik ebaluazioa egin eta zientzia-irizpena ematen den arte.
Txostenen egiturari eta edukiei buruzko proposamena
Infografia: EFSAren zientzia-prozesua
Eguneraketa data: 2025/07/18