|
Iturria:
GUSTOS
|
GUSTOS Europako proiektuaren esparruan, ELIKAk web-mintegi bat antolatu du eskola-jantokietan elikagaien xahuketa prebenitzeko eta murrizteko esperientziak eta soluzioak partekatzeko helburuarekin
Jardunaldiak arlo horretan lan egiten duten Europako proiektu eta erakundeak bilduko ditu, eskola-jantokietan aplika daitezkeen metodologiak, esperientziak eta jardunbide egokiak partekatzeko.
Helburua
Web-mintegian elikagaien xahuketa neurtu, prebenitu eta murrizteko ikuspegi desberdinak jorratuko dira, honako hauek barne: neurketa-sistemak; hezkuntzaren eta gastronomiaren arloko esku-hartzeak; ezagutzaren transferentzia; eta jokabideak aldatzera bideratutako estrategiak.
Parte hartzaileak
Saioa zuzenduta dago jatetxe kolektiboei, ikastetxeei, ikertzaileei, elikagaien arloko profesionalei, administrazio publikoei, gizarte zibileko erakundeei eta eskola-jantokietan elikagaien xahuketa prebenitzeko eta murrizteko helburua duen beste edozein eragile interesduni.
Espero diren emaitzak
ELIKAk eta GUSTOS proiektuak honako alderdi hauek ahalbidetu nahi dituzte topaketaren bidez:
- Europako ekimenen artean jardunbide egokiak eta metodologiak partekatzea.
- Elikagaien xahuketaren prebentzioan jarduten duten eragileen artean irakaspenak partekatzea.
- Europako proiektu eta erakundeen arteko konexio eta lankidetza-aukera berriak sortzea.
- Beste eskola-jantoki batzuetara transferitu eta aplikatu daitezkeen soluzioak hedatzea.
Eguneraketa data: 2026/09/23