Elikagaien, Ingurumenaren eta Lanaren Osasun Segurtasunerako Frantziako Agentziak (ANSES) ebaluazio zientifiko berri bat argitaratu du esne gordinarekin egiten diren gaztei buruz, gazta horien kontsumoari lotutako elikadura-intoxikazio arriskuak txikitzeko neurri eraginkorrak identifikatzeko.
Agiri hau aurretiazko ebaluazio baten bigarren zatia da; aurreko hartan arrisku mikrobiologikoak eta gaztarik kalteberenak identifikatu zituen ANSESek.
Identifikatutako arrisku mikrobiologiko nagusiak
Aurreko ebaluazioan esne gordinarekin egindako gaztekin lotutako agerraldi gehienen bakterio erantzuleetan oinarri zen ebaluazioa.
Arrisku mikrobiologiko handieneko gazta motak:
- Ore biguna eta azal apaindua duten gaztak (adib.: Camembert, Brie, Crottin)
- Ore biguna eta azal garbia duten gaztak (adib.: Munster, Livarot)
- Egosi gabeko ore prentsatua duten gaztak heltzeko aldi laburrekin (adib.: Reblochon, Morbier, Saint-Nectaire)
Proposatutako neurri osagarriak
ANSESek hasi artaldetik eta amaierako produktura arte patogenoak ugaritzeko dauden eredu matematikoen datuak aztertu ondoren, honako neurri hauek proposatu ditu:
Ekoizpen primarioren mailan
- Salmonella dublin eta E. coli STEC duten animaliak hauteman eta isolatu, hedatzea mugatzeko (bereziki O26 serotaldea)
Gazta egitean
- Hartzigarri laktiko egokiak erabili, pH-a azkar eroriko dela ziurtatzeko
- Gomendio horiek gazta-industriarentzako higiene praktika-onen gidan sartu
Kontsumitzerakoan eta biltegiratzerakoan (kontsumitzaileak)
- Esne gordinarekin egindako gaztak beti 4ºC azpitik gordetzea garrantzitsua da
- Kontuan izan behar da gaztak sukaldean erabiltzean (adibidez, labean edo microuhingailuan) balizko arrisku mikrobiologikoa joan egiten dela.
Kontsumitzaileentzako gomendioak
ANSESek nabarmendu egiten du pertsona kalteberek esne gordinarekin egindako gazten kontsumoa saihestu behar dutela (egositako ore prentsatua dutenak izan ezik): Haur txikiek, haurdun dauden emakumeek, 65 urtez gorakoek eta pertsona immunodeprimituek. Pertsona horiek bereziki sentiberak dira eta ondorio larriak izateko arrisku handiagoa dute, esaterako, listiosia edo E.coli infekzioa giltzurrunetako gutxiegitasunarekin. Gazta horiek ongi kozinatuz gero, prozesu termiko egokia erabilita (labea, mikrouhinen labea edo bakterio patogenoak suntsitzen dituzten sukaldeko beste edozein prozesu) pertsona horiek ere kontsumi ditzakete.
Eguneraketa data: 2026/03/13