|
Iturria:
NCD-RisC
|
Obesitatearen igoera egonkortu egin da herrialde garatuetan, eta garapen-bidean dauden herrialdeetan azkartu egin da
NCD Risk Factor Collaboration (NCD-RisC) taldeak eginiko eta Nature aldizkarian argitaratutako Obesity rise plateaus in developed nations and accelerates in developing nations azterlanean lau hamarkada baino gehiagoko 200 herrialdeetako osasun-datuak aztertu dira, 1980 eta 2024ren artean.
Obesitateak honako hauek izateko arriskua handitzen du: gaixotasun kardiobaskularrak, giltzurrunetakoak, hepatikoak eta arnasekoak; diabetesa; minbizi mota batzuk; aurkako ugalkortasunezko emaitzak eta obstetrikoak. Egun, obesitateak XX. mendearen amaieran baino prebalentzia handiagoa du, eta, 1990eko hamarkadatik, “epidemia” terminoa erabili izan da igoera hori deskribatzeko.
Azterlanak adierazten duenez, obesitate-tasek behera egin dute edo egonkortu egin dira diru-sarrera handiko herrialde gehienetan, haur eta gazteetan (5 eta 19 urtekoen artean) nahiz helduen artean (20 urtetik aurrera), XX. mendearen amaieran igoera azkarra egon den arren. Hala ere, obesitatearen prebalentziak gora egiten jarraitzen du diru-sarrera ertain eta txikiko herrialdeetan.
Estatuari dagokionez, emaitzek adierazten dute sexu bietan eta adin-talde guztietan obesitatearen tasaren igoera egonkortu egin dela, nahiz eta balioak oraindik ere altuak diren, batez ere adin-talde horretan prebalentziak egonkortu diren beste herrialde batzuekin alderatzen badira. Helduen artean, badirudi obesitatearen prebalentzia behera egiten ari dela.
Azterlanaren emaitzek agerian uzten dute osasun-politika osasungarriekin jarraitu behar dela, gehiegizko pisuaren eta obesitatearen prebalentziak murriztuz herritar guztientzat, berdintasun-baldintzetan.
Eguneraketa data: 2026/05/26