|
Iturria:
IREKIA Eusko Jaurlaritza
|
Eusko Jaurlaritzak eta foru-aldundiek adostu dute dermatosi nodular kutsakorraren (DNK) aurka babesteko prebentzio-neurriak malgutzea, berriro ere behi-azienda duten azokak eta beste ekitaldi batzuk egin ahal izateko.
Gaixotasunak izan duen aldeko bilakaera epidemiologikoaren ondoren, aginduak indarrik gabe uzten ditu 2026ko urtarriletik indarrean dauden mugak eta ahalbidetzen du berriro ere behi-azienda duten azokak, lehiaketak, merkatuak eta aldi baterako beste ekitaldi batzuk antolatzea.
Honako hauek dira aginduaren berritasun nagusiak:
- Honako hauei eragiten zieten mugak kentzea: abeltzaintza-azokak, lehiaketak eta txapelketak, merkatuak, erromeriak, abelburuak dauden herri-kirolak eta behiak dauden aldi baterako beste ekitaldi batzuk.
- Aziendaren mugimenduetarako eskakizunak malgutzea, Gipuzkoan aurreikusitako txertoen estaldura lortu ondoren. Agintari eskudunek azpimarratu dute honako hauek direla neurriak malgutzeko arrazoiak:
- Ezarritako guneetan txertaketa-kanpainak amaitzea.
- Eskatutako estaldura-mailak lortzea
- 2026ko martxotik Espainian DNKren foku berririk ez egotea.
- Europan gaixotasunak aldeko bilakaera izatea, Sardinian detektatutako kasu puntualetan salbu.
Malgutuko diren arren, biosegurtasun-neurri nagusiek indarrean jarraituko dute:
- Animaliak garraiatzean: Ibilgailuak eta animaliak garbitu, desinfektatu eta intsektuak hiltzea, hiltegira zuzenean garraiatzen direnean salbu, dagokion erantzukizunpeko adierazpenarekin eta ziurtagiriarekin.
- Abeltzaintza-ustiategietan:
- 28 egunez albaitaritza-zaintza ofiziala egitea Euskaditik kanpo datozen behi-aziendarako eta sentiberak diren beste espezie batzuetarako.
- Agintari eskudunek aldi jakin baterako ustiategi hartzaileak kauteraz immobilizatzea.
Foru-aldundietako animalien osasunerako zerbitzuek honako hauek egiten jarraituko dute:
- Zaintza epidemiologikoa.
- Ustiategien osasun-kontrola.
- Gaixotasunaren bilakaeraren jarraipena.
- Behar denean prebentzio-neurriak egokitzea.
Araudia berritzearekin lortu nahi da euskal aziendaren babesa bateratzea abeltzaintza-sektoreari lotutako jarduera ekonomiko eta soziala berreskuratzearekin, DNKri aurre egiteko osasun-bermeak mantenduz.
Eguneraketa data: 2026/07/22