Bi zutabe nagusi dira ELIKAren Ingurumen Politikaren euskarri:
- Gure jarduerak ingurumenean duen eragina murriztea, geure prozesuetarako beharrezkoak diren natur eta energia baliabideen eta lehengaien kontsumoa albait gehien murriztuz, eta albait hondakin gutxien sortuz.
- Informazio, prestakuntza eta lan giro egokia eskaintzea geure langileei ahalegina egin dezaten erakundearen ingurumen arloko helburuak eskuratzearren.
Arazo nagusia sortzen ditugun hondakinak dira: papera, inprimagailu eta fotokopiagailuen tonerra, beira eta plastikoa. Hondakin horiek modu egokian tratatzeko, suntsitu, berrerabili eta birziklatu egiten ditugu.
Geure erakundean sistema bat garatu dugu sor litezkeen hondakin mota ezberdinak bereizteko.
Geure erakundea Arkauteko Parke Teknologikoan dago eta bertan badaude papera eta plastikoa biltzeko edukiontziak; beraz, halako kasuetarako gomendagarriena den “ziklo garbia” betetzen dela bermatzen dugu.
Inprimagailu eta fotokopiagailuen toner guztiak birziklatzen ditugu. Gainera, energia kontsumoa kontrolatu eta arrazionalizatu egiten dugu, eta horrekin batera kontsumo elektrikoa murrizteko praktika egokiak ditugu.