Elikadura-sistema jasangarrien lankidetza – FutureFoods ekimenak bigarren deialdia iragarri du, eta ELIKAk parte hartuko du, Eusko Jaurlaritza ordezkatuz. Deialdia azaroaren bukaeran irekiko da, eta nazioaz gaindiko Ikerketa eta Berrikuntzaren arloko proiektuak ditu helburu.
Eusko Jaurlaritzak, ELIKAren bidez, gehienez ere 100.000 euroko finantzaketa bideratuko du nazioaz gaindiko partzuergoak sortuz proiektuak koordinatzen edo parte-hartzen dituzten euskal enpresa publikoetara.
Gaiak
Deialdiaren xedea da nazioz gaindiko Ikerketa eta Berrikuntza proiektuak finantzatzea, eta, horretarako, Ikerketa eta Berrikuntzaren arloko hiru gai hauetako bat jorratu beharko dute parte hartzaileek:
- Dieta jasangarri eta osasungarriak sustatzen dituzten etxeko elikadura-praktikak: etxeko lan sistemikoa, honako hauek jorratzeko: elikagaien segurtasuna, nutrizio-premiak, elikagai-kultura, eta kontsumitzaileen portaera.
- Elikagai anitzak, jasangarriak eta zirkularrak ekoizten dituzten sistemetarantz: prozesatzea eta ontziratzea hobetzea, azpiproduktuen balioa handitzea, eta kontsumitzaile-talde desberdinei egokitutako osaera.
- Konfiantza eta gardentasuna elikadura-sistema jasangarrietan: eragin-puntuak identifikatzea; tresnak, metodoak, metrikak, adierazleak eta seinaleak ebaluatzea (etiketatzea, adibidez) esparru bateratuagoa lortzeko, sistemako eragileekin batera sortua.
Proposamenen eskakizunak
Partzuergoa gutxienez 3 herrialdetako 3 erakundek osatu behar dute, eta horiek hautagarriak izan behar dute deialdian parte hartzen duten erakunde finantzatzaileen dirua jasotzeko.
Honako hauek dira FutureFoodS proiektuetarako eskakizunak (hautagaitzen ebaluazioaren parte izango dira):
- Ikuspegi eraldatzailea
- Diziplinartekotasuna
- Eragile desberdinek parte hartzea
- Jasangarritasuna
Proposamenek Inpaktu Plan bat izan beharko dute
Proposamenak “ikerketara bideratuta” edo “berrikuntzara bideratuta” egon daitezke.
Parte hartzaileak
Unibertsitateak, ikerketa institutuak, enpresa txiki eta ertainak, enpresa handiak eta erakunde publikoak, nazioko zein eskualdeko araudien menpe daudenak.
Hurrengo urratsak
| Deialdia martxan jartzea | 2025ko azaroren amaieran |
| Aurreproposamenak aurkeztea | 2026ko urtarrilaren amaieran |
| Proposamenak osorik aurkeztea | 2026eko uztailaren hasieran |
| Proiektuak hastea | 2026eko azaroa eta 2027ko martxoa bitartean |
Deialdia irekitzen denean, informazioa zabalduko da eskabideak aurkezteko atarian: https://futurefoods.ptj.de
Eguneraketa data: 2026/03/12