FutureFoodS lankidetzaren hirugarren deialdiaren aurretiko argitalpena

Gaiak

FutureFoodS lankidetzaren ikuspegia da 2050erako Europan elikadura-sistema batzuk lortzea ingurumena errespetatuko dutenak, sozialki seguruak eta bidezkoak izango direnak eta ekonomikoki bideragarriak, osasungarriak eta seguruak izango direnak.

Hirugarren deialdi honen xedea da ikerketa eta berrikuntzako hiru gai hauetakoren bati buruzko Europako ikerketa- eta berrikuntza-proiektuak finantzatzea:

1. Elikadura-sistema jasangarri eta gardenak

Irtenbide berritzaileak garatzea elikadura-kateen trazabilitatea, gardentasuna eta jasangarritasuna hobetzeko. Horretarako, kontsumitzaileen konfiantza areagotu behar da eta sektoreko eragileen eta kontsumitzaileen arteko lotura hobetu tresna digitalen eta lankidetzako ikuspegien bidez.

Tresna digitalen potentziala eta datuetan oinarritutako irtenbideak aprobetxatu eta zenbait alorrekin zerikusia duten erronkei aurre egin beharko diete proposamenek: ziurtagiriak, trazabilitatea, etiketak, kontratazio publiko jasangarria, ekitatea eta elikagaien balio-katean zeharreko lankidetza.

2.Herritarrak ahalduntzea eta aldeko elikadura-inguruak

Kontsumitzaileak ahaldundu elikagai osasungarriak, seguruak eta jasangarriak hautatzeko erabakiak har ditzaten.

Proposamenak erronkei egin beharko diete aurre: elikaduraren arloko kulturarekin, elikagaien segurtasunaren pertzepzioarekin, elikagaiak irisgarri eta eskura izatearekin, eta gizarteratze eta portaera-aldaketarekin zerikusia duten erronkak dira eta ezinbesteko alderdi interesatuen arteko lankidetza ere sustatuko da aldi berean.

3. Prozesu berritzaileak elikagai jasangarri, seguru eta nutritiboentzat

Prozesuen teknologia berritzaileak eta elikagaien iturri berriak sustatzea, elikadurako produktu jasangarriak, seguruak eta nutritiboak garatzeko, kontsumitzaileek errazago onar ditzaten eta elikagaien sisteman gora egin dezaten.

Proposamenek kontuan izan beharko dituzte produktuek dibertsifikazioa, elikagaien iturri alternatiboak eta elikagaien naturaltasuna gordeko duten prozesatzeko teknologiak, eta gogoan izan beharko dituzte kalitate nutrizionalarekin, elikagaien segurtasunarekin, bideragarritasun ekonomikoarekin eta kontsumitzaileek onartzearekin lotutako alderdiak.

Proposamenetarako eskakizunak

Partzuergoak gutxienez 3 herrialdetako 3 entitate bazkide izan behar ditu, eta horiek hautagarriak izan behar dute deialdian parte hartzen duten erakunde finantzatzaileen finantzazioa jasotzeko.

• FutureFoodS proiektuetarako eskakizun gidak hauek dira (hautagaien ebaluazioaren parte ere izango dira):
• Ikuspegi eraldatzailea
• Diziplinartekotasuna eta transdiziplinaritatea
• Elikadura-sistemako hainbat eragileren partaidetza
• Jasangarritasuna
• Proposamenek Inpaktu Plan bat izan behar dute
• Proposamenak egon daitezke «ikerketara bideratuta» edo «berrikuntzara bideratuta».

Oharra: Erakunde eskatzaileek FutureFoodSen aurreko deialdietan egindako ikerketen duplizitatea saihestu behar dute eta argi eta garbi azaldu behar dituzte proposatutako lanaren osagarritasuna, balio erantsia eta balizko sinergiak.dido y las posibles sinergias de su trabajo propuesto.

Erakunde eskatzaileak

Unibertsitateak, ikerketa-institutuak, enpresa txiki eta ertainak, enpresa handiak eta erakunde publikoak, nazioko/eskualdeko araudiaren eta hautatzeko irizpideen mende daudenak.

Hurrengo pausoak

Ekintza	Epea
Deialdiaren sustapena	2026ko azaroaren hasiera
Webinar erakunde eskatzaileentzat	2026ko azaroaren erdi aldea
Proposamen osoen aurkezpena	2027ko urtarrilaren erdi aldea
Proposamen osoen aurkezpena	2027ko uztailaren amaiera
Proiektuen hasiera	2027ko azaroa eta 2028ko martxoa bitartean

Azaroaren hasieran deialdia irekitakoan, informazio gehiago emango da eskariak aurkezteko atarian: https://futurefoods.ptj.de