|
Iturria: Europako Batzordea
|
Europako Batzordearen txosten batek ebaluatu du landareen osasun-arloan estatu kideek duten prestakuntza-maila, urte anitzeko zaintza-programak eta izurriteei aurre egiteko kontingentzia-planak oinarri hartuta. Dokumentu horretan 2024az geroztik egindako aurrerapenak daude, 2024 eta 2026 artean egindako auditoretza eta ebaluazio batzuen emaitzak barne.
Izurriteen zaintza
Estatu kideek berrogeialdiko izurriteen zaintzarako urte anitzeko programak garatu beharra dute, lurralde bakoitzean lehentasuna duten izurriteak barne. 2024az geroztik aurrerapenak egon dira, 24 herrialdek aurkeztu baitituzte programa horiek (20 izan ziren 2024an) eta gehienek arriskuan oinarritutako ikuspegiak eta estatistika-metodoak konbinatu dituzte. Oro har, sistema horiei esker behar bezala detektatzen dira agerraldiak.
Dena dela, gabezia batzuek jarraitzen dute, izan ere hiru estatu kidek oraindik ere ez dituzte bidali arriskuan oinarritutako beren programak, legezko epea duela sei urte amaitu zen arren, eta beste hiruk ez dute programa estatistikorik aurkeztu. Gainera, herrialde batzuetan nahikoa langile ez dutenez eta ikuskapen bisual gehiegi erabili denez, metodologia aurreratuagoen ordez, zaintzaren efikazia mugatu egin da.
Euste-planak
Euste-planak derrigorrezkoak dira 2023ko abendutik, lurralde batean sartu eta finkatu daitekeen lehentasunezko izurrite bakoitzerako. Ildo horretatik aurrerapen nabarmenak lortu dira, planen % 75 inguru dagoeneko eginda baitaude eta herrialde askok eskatutako ia plan guztiak bete baitituzte. Hala ere, estatu kideen % 20 inguruk oraindik ere aurrerapen nabarmenak egin behar dituzte alderdi honetan.
Oro har, planek araudia betetzen duten arren, % 20k baino ez dituzte simulakroak egin efikazia egiaztatzeko. Proba praktikoen gabezia horrek zalantzak jartzen du lehentasunezko izurriteen agerraldi berrietan agintariek bizkor eta efikaziaz erantzuteko luketen gaitasuna.
Eguneraketa data: 2026/06/25