Listeria monocytogenes detektatzeko laginketei buruzko gomendioak

EFSAk, Europan barazki izoztuekin lotuta gertatu den azken Listeria monocytogenes agerraldiaren harira, Europako Batzordeari gomendio batzuk eman dizkio L. monocytogenes hala prozesaketa-uretan eta frutak, barazkiak edo belar izoztuak ekoizten dituzten instalazioetan nola azken elikagai ekoitzian detektatzeko laginketa-estrategia eta metodo mikrobiologiko egokienei buruz.

EFSAk zazpi urratseko laginketa-estrategia bat osatu du, elikagaiak prozesatzeko plantetan L. monocytogenes kutsatzeko iturriak eta bideak identifikatzeko xedez. Estrategia horri esker, agintaritza eskudunek eta elikagai-enpresetako operadoreek errazago ikertu ahal izango dituzte listeria-agerraldiak.

Gainera, EFSAk L. monocytogenes-en ingurumen-monitorizazioa egiteko laginketa-puntu kritikoak identifikatu ditu elikagaiak ukitzen dituzten gainazaletan, hala nola hauetan:

  • Zoruak, bereziki pitzadurak, hormak eta hustubideak.
  • Sabaiak, goialdeko egiturak eta igarobideak.
  • Garbiketa-guneak, ur kondentsatua eta ur geldia.
  • Isolamendu hezea hormetan eta hoditerien eta hozte-unitateen inguruetan.
  • Gomazko zigilatzeak ateen inguruan, bereziki hozkailuetan.
  • Lotura metalikoak, bereziki soldaduretan.
  • Xurgagailuen edukia.

Era berean, L. monocytogenes presente dago elikagaiak prozesatzeko, manipulatzeko, biltegiratzeko eta garraiatzeko erabiltzen diren ekipoetan, hala nola izozte-tuneletan, isurbideetan, hortz birakarietan, ebakigailuetan, aiztoetan, ebakitzeko oholetan, junturetan, uhal garraiatzaileetan eta eskularruen junturetan.

EFSAk EN ISO 11290-1 metodo estandarra gomendatzen du L. monocytogenes detektatzeko, eta behar bezala finkatutako teknika molekularrak L. monocytogenes-en isolamenduak karakterizatzeko. Modu horretan, lagin positiboen anduiak identifikatuko dira, eta loturak ezarri ahal izango dira gizakien kasu bakanen eta tartean diren fruta, barazki eta belar izoztuen artean.

Eguneraketa data: 2025/07/18

Cookiak doitu/Gestión de Cookies

Cookieak gure webgunearen erabilgarritasuna eta prozesuak hobetzeko edo gaitzeko erabiltzen dira. Cookieak desgaitu edo ezabatzen badira, gerta daiteke erabiltzaileek webgunearen aukerak ezin erabiltzea, edo webgunean diseinatu ez den moduan funtzionatu dezake arakatzaileak.

Gehiago jakin nahi izanez gero, gure Pribatasun politika irakurri.

Esta web utiliza cookies para que podamos ofrecerte la mejor experiencia de usuario posible. La información de las cookies se almacena en tu navegador y realiza funciones tales como reconocerte cuando vuelves a nuestra web o ayudar a nuestro equipo a comprender qué secciones de la web encuentras más interesantes y útiles.

Si quieres saber más lee nuestra Política de privacidad