Listeriosi-agerraldia BERRIA haragi produktuetan

Azken orduko berria

2019ko Irailak 06

Andaluziako Juntako Osasun eta Familia Kontseilaritzak beste elikagai-alerta baten berri eman du, hori ere haragi urdaiztatuarekin lotutako listeria dela eta.

“Carne mechada Sabores de Paterna” produktuaren lagin batek listerian positiboa eman du. Lagina fabrikako instalazioetan hartu da, intoxikazio kasu bat egon zitekeela susmatu ondoren egindako ikerketen ondorioz.

Andaluziako Juntak erabaki du enpresako ekoizpena bertan behera uztea, produktu guztiak geldiarazi dira eta agindu da haragi urdaiztatua merkatutik kentzeko.

Produktu hori Cadizen, Huelvan, Malagan eta Madrilen banatu da.

Andaluziako Juntaren jakinarazpena 06/09/19

Euskal Autonomia Erkidegoan ez dago kaltetutako produktuak merkaturatu izanaren berririk, ezta kaltetutako pertsonaren berririk.

Abuztuaren 16an, elikagaien segurtasunaren arloko Estatuko agintaritza eskudunak (AESAN) jakin zuen Listeria monocytogenes bakterioak kontaminatutako haragia jatearen ondorioz sortutako zenbait agerraldi izan zirela Andaluzian. Hori horrela, beharrezko neurriak hartu dira kaltetutako produktuak merkatutik kentzeko eta agerraldiaren kausak ikertzeko.

Hasiera batean, jakin genuen agerraldia sorrarazi zuen produktua “Magrudis SL” enpresak egindako “La Mechá” markako haragi urdaiztatua izan zela, “Comercial Martínez León” enpresak merkaturatua. Beranduago jakin dugu, ordea, enpresa bereko beste produktu batzuk ere kaltetuta daudela. Gainera, jakin dugu haragi urdaiztatu hori etiketatzeari buruzko araudia bete gabe merkaturatu dela, marka komertzialik gabe merkaturatu baita.

Produktu gehienak Andaluzian banatu eta merkaturatu dira, eta, neurri txikiagoan, baita autonomia-erkidego hauetan ere: Madril, Extremadura, Katalunia, Gaztela-Mantxa, Gaztela eta Leon eta Kanariak.

Listeriosia EZ da pertsonatik pertsonara kutsatzen. Kontaminatutako elikagaiak janda kutsatzen da batez ere eta amarengandik seme-alabei karenaren bidez edota erditzerakoan.

Arrisku handiko taldeak

Paziente immunodeprimituak

Adinekoak

Bularreko haurrak eta haur txikiak

haurdun dauden emakumeak

Gomendio orokorrak

  • Ondo etiketatutako produktuak bakarrik erosi. Haragi-produktuen etiketek marka obal bat izan behar dute, zeinetan produktua merkaturatzeaz arduratu den establezimenduaren osasun-erregistroaren zenbakia (RGSEAA) agertzen baita.
  • Etxean “La Mechá” markako produkturen bat dutenek, ez dute kontsumitu behar, eta dagoeneko kontsumitu badute eta sintomaren bat badute, osasun-zentro batera jo behar dute.
  • Haurdun dauden emakumeek erreferentziazko informazio ofiziala kontsultatu behar dute, edo osasun-arloko profesionalei galdetu.
  • Etxeetan, garrantzitsua da kutsadura gurutzatua saihestea. Horretarako, beste elikagai batzuk uki ditzaketen gainazalak eta tresnak ondo garbitu eta erabili behar dira.

Informazio gehiago

ELIKAren elikagaien segurtasunari buruzko atalean, agente kimiko eta biologikoei loturiko arriskuen fitxa teknikoak aurki daitezke. Fitxa horien artean dago, besteak beste, Listeriari buruzkoa:

Listeria buruzko fitxa teknikoa – ELIKA

Horrez gain, infogramak eta fitxa teknikoen laburpenak ere ikus daitezke; besteak beste, Listeriarena:

Listeria infograma- ELIKA

Agerraldiari buruzko erreferentziak

Berriak eta eguneratzeak- AESAN
Osasun Sailaren nota – Eusko Jaurlaritza
Informazioaren eguneraketa, Euskadiko osasun arloko profesionalentzat – Eusko Jaurlaritza

Eguneraketa data: 2025/07/18

Azken albisteak

Elikadura-transmisioko toxiinfekzio nagusiak mundu-mailan

Elikagaien Segurtasunaren nazioarteko eguna dela-eta, Osasunaren Mundu Erakundeak (OME) elikagaietako 42 arrisku biologiko eta kimiko nagusiek eragindako giza toxiinfekzioen zenbatespenari buruzko 2026ko edizioa argitaratu du….

Elikagai-soberakinak Euskadiko eskola-jantokietan nola kudeatu

| Iturria: ELIKA | 2018. urteaz geroztik, Eusko Jaurlaritzako Elikadura, Landa Garapen, Nekazaritza eta Arrantza Sailak, ELIKA Fundazioaren bitartez, euskal elikadura-katearen maila desberdinetan elikagaien xahuketa prebenitzeko eta murrizteko ekintzak abiarazi ditu. Gainera, Estatuko 1/2025 Legea…

Europan txerri-izurri afrikarrari buruzko txosten zientifiko berria

Elikagaien Segurtasuneko Europako Agintaritzak (EFSA) txerri-izurri afrikarrari (TIA) buruzko urteko txosten epidemiologikoa argitaratu du, zeinaren bidez gaixotasunak 2025. urtean Europar Batasunean (EB) eta alboko herrialdeetan izan duen egoera aztertzen duen….

Bektoreek transmititutako gaixotasunen arriskuen ebaluazioa EBn

Elikagaien Segurtasuneko Europako Agintaritzak (EFSA) Europar Batasunean 5 bektore talde handik transmititutako gaixotasunak sartu eta hedatzeko arriskuari buruzko ebaluazio zientifikoa eguneratu du, Abereen osasunerako eta “ONE-Health” osasun publikorako interesekoak diren…

Albiste guztiak ikusi