EFSAk zenbait metal astunekiko (artsenikoa, kadmioa, beruna eta merkurioa) eta iodoarekiko elikadura-esposizioa aztertu du, Europako herritarrek itsas algak eta landare halofitoak kontsumitzeagatik.
Horretarako, EFSAk azken 10 urteetan lortutako datuak aztertu ditu (2011–2021), eta honako hauek dira emaitzak:
- Maila analitikoan, aldagarritasun handia aurkitu zen alga laginetako metal astunen eta iodoaren kontzentrazioan, baita espezie bereko algen artean ere. Hala ere, kontzentraziorik altuenak iodoarenak dira.[spacer height=”10px” id=”3″]
- Metal astunen artean, batezbestekorik altuena artsenikoarena izan zen, eta, bereziki, As totalarena; hala ere, lagin batzuetan As inorganikoak eta kadmioak izan zuten batezbestekorik altuena.[spacer height=”10px” id=”3″]
- Itsas algetako merkurioaren batez besteko kontzentrazioak baxuenak izan ziren metal astun guztien artean.[spacer height=”10px” id=”3″]
- Oro har, batez besteko mailarik altuena alga arreen (feofitoak) artean jakinarazi ziren, eta, jarraian, alga gorrien (errodofitoak) eta berdeen (klorofitoak) artean.[spacer height=”10px” id=”3″]
Datu horiek aztertu eta dieta osoari buruzko aurreko ikerketarekin alderatu ostean, EFSAk honako hau ondorioztatu du:
- Cd-aren kasuan, esposizio-iturri garrantzitsuena Laver alga gorriena izan zen (1,675–1,676 μg/kg artean).[spacer height=”10px” id=”3″]
- Berunaren eta As inorganikoaren kasuan, EFSAk uste du halofitoak, algak eta eratorritako produktuak kontsumitzen dituzten pertsonentzako zenbatetsitako esposizioa garrantzitsua dela; izan ere, dieta osoari buruzko aurreko ikerketan lortutako esposizioaren % 10etik eta % 30era bitartekoa da.[spacer height=”10px” id=”3″]
- Metilmerkurioaren kasuan, elikadura-talde horrek pertsona heldu baten dieta osoari egiten dion ekarpena % 10ekoa izan daiteke.[spacer height=”10px” id=”3″]
- Iodoaren kasuan, kontzentraziorik altuenak alga arretan badaude ere, beste alga mota batzuk maiz kontsumitzeak (Laver algak, besteak beste) iodo kopuru handia ekar dezake (eguneko 20 μg/gorputzeko kg-tik gorako batez besteko ingestioak identifikatu dira Kombu eta Laver algak kontsumitzen dituzten pertsonen artean).[spacer height=”10px” id=”3″]
Emaitza horiek agerian uzten dute itsas algak kontsumitzeak garrantzi handia duela metal astunekiko eta iodoarekiko munduko esposizioan eta iodoaren ahorakinean, eta etorkizunean itsas algen kontsumoak gora egiteak izan dezakeen eragina.