|
Iturria:
MAPA
|
Nekazaritza, Arrantza eta Elikadura Ministerioak (MAPA) jakinarazi du mihi urdin gaitzaren 3 serotipoaren (S3) bi foku berri detektatu dituztela, horietako bat Barrundian (Araba).
NEIKER laborategiak adierazi du 3 serotipoa detektatu dela Barrundia (Araba) udalerriko ardi-ustiategi batean, eta, ondoren, Algeteko laborategiak egiaztatu duela.
Albaitaritza Zerbitzu Ofizialek (AZO) arauzko neurri guztiak hartu dituzte agerraldia kontrolatzeko, eta egoera epidemiologikoaren jarraipena egiten ari dira. Halaber, garrantzizko edozein albisteren berri ematen jarraituko dute.
Txertaketa, prebentzio-neurri garrantzitsuena
EAEn gaixotasuna berriro agertu denez, abeltzaintza-sektorean azpimarratzen ari dira zer-nolako onurak dituen azienda gaixotasun horren aurka txertatzeak eta desinfektatzeak, prebentziorako baliabide bakarrak baitira. Hortaz, abeltzaintza-azienda osoa babestea bultzatzen ari dira, eta bereziki azpimarratzen serotipo horren aurkako prebentziozko txertaketa gomendatzen dela.
Ardiei dagokienez, hauteman da 3 serotipoaren aurkako txertoak ez duela erabat eragozten 3 serotipoak kutsatzea; hala ere, egiaztatu da murriztu egiten dituela heriotza- eta abortu-tasak, kutsatuta dauden eta txertatu gabe dauden artaldeekin alderatuta.
Egoeraren jarraipena
AZOk eutsi egin dio gaixotasunaren zaintza epidemiologikoari, eta jarraituko dute lurralde nazionalean mihi urdinaren gaitzaren bilakaerari buruzko albiste garrantzitsu ororen berri ematen.
Bestalde, azken eguneratze honetan MAPAk jakinarazi du beste foku bat detektatu dela Lugoko behi-ustiategi batean. 2026-2027 bektore-jarduerako aldi honetan, mihi urdin gaitzaren birusaren zirkulazioa baieztatu da probintzia hauetan: A Coruña, Lugo, Nafarroa, Huesca, Errioxa, Segovia, Badajoz eta EAE.
Infomazio gehiago hurrengo estekan
Eguneraketa data: 2026/08/21