MAPAk mingain urdinaren gaitzaren egoera epidemiologikoa eguneratzen duen informazio-oharra argitaratu berri du, azkenaldian 3 serotipoa hedatzen ari delako.
MUren 3 serotipoa, Espainian inoiz lehenago detektatu ez dena, bereziki garrantzitsutzat hartzen da; izan ere, honako hauek eragiten ditu:
- Ardietan: koadro kliniko larriak eta hilkortasun handia (% 10-25 artean).
- Behietan: esne-ekoizpenaren galerak, eta heriotzak ere egon daitezke kaltetutako ustiategietan.
Tunisian 2018az geroztik egon da, Herbehereetan lehenengoz 2023ko urrian detektatu zen, eta Alemania, Belgika, Luxemburg, Suitza, Danimarka, Norvegia, Suedia, Txekiar Errepublika, Frantzia, Erresuma Batua eta Portugalen zabaldu da. Azken horretan, Évora eskualdean jakinarazi dira agerraldiak; hain zuzen, eskualde horrek Badajoz eta Huelvarekin muga egiten du. Azken bi probintzia horietan 3 serotipoko 3 agerraldi baieztatu dira ardi-ustiategietan.
Kaltetutako eremuan, arazoari lotutako irailaren 30eko APA/1043/2024 Aginduan (Espainian mihi urdinaren birusaren 3 serotipoari aurre egiteko babes eta kontrol neurri espezifikoak ezartzen dituena) jasotako prebentzio-, zaintza- eta kontrol-neurriak indartzen ari dira, besteak beste, honako hauek: ardi eta behi espezietako 3 hilabetetik gorako animalia guztiak nahitaez txertatzea MUren birusaren 3 serotipoaren aurka. Gaixotasunarekiko sentikorrak diren espezieetako animalien mugimendu-murriztapenak. Zaintza pasiboa indartzea eta edozein susmo berehala jakinaraztea albaitaritza-zerbitzu ofizialei. Eremuko hausnarkari-ustiategietan intsektuak hiltzeko gomendioa.
MUri buruzko informazio gehiago esteka honetan:
Eguneraketa data: 2025/08/18