Joan den 2018ko abenduaren 19an, AESANeko Batzorde Instituzionalak onetsi egin zuen Trikinaren aurreko Kontingentzia Plan Nazionalaren aldaketa. Planaren xedea da nazio mailako jarduera-plana ezartzea, animalietan edo haragian Trikina antzemanez gero edo horietan Trikina egon daitekeela susmatuz gero.
Eguneratze honen berritasun nagusiak alderdi hauei buruzkoak dira:
Neurriak abeltzaintza-ustiategietan:
Basa-animalietan trikina antzematen denean, Animalien Osasunaren arloko agintari eskudunek egiaztatu egin beharko dituzte kutsa daitezkeen eta Trichinellarekin kontaktuan egon diren animalien ustiategietako biosegurtasun-neurriak.
Neurriak lursail zinegetikoetan:
50/2018 Errege Dekretua (ehizako azpiproduktuen kudeaketari buruzkoa) ehiza larriaren beste modalitate batzuetan ere aplikatuko da, baldin eta ehiza-barrutiko animaliek positiboa ematen badute.
Dekretua, gutxienez, kutsatutako animaliak antzeman eta handik aurrera geratzen den ehiza-denboraldian aplikatuko da; eta hurrengo denboraldian ere aplikatuko da, betiere lehenengo jarduera zinegetikoan animalia kutsatuak antzematen badira.
Komunikazioari buruzko neurriak:
Komunikaziorako eredu bateratua ezarri da, eta zehaztu egin da zein kasutan aplikatu beharko den lankidetzarako eta informazioa trukatzeko prozedura, osasun publikorako larriak eta berehalakoak diren arriskuek eragindako elikagai-alertak kudeatzeko.
Aurreko plana onetsi eta 7 urtera beharrezkoa zen plana berrikustea eta eguneratzea, besteak beste, dagozkion lege-aldaketak gehitu ahal izateko.
Eguneraketa data: 2025/08/18